ለምን
Lemen
5:15 · አማርኛ
ቁጥር 1 · Verse 1
ስንቱ ያልተገባ ከፍታ ረግጧል
ያልዘራዉን መልካም አጭዶ ተዘልሏል
መንገዱ ተቃንቶለት
ተሳክቶለታል በሕይወቱ
ሳይለፋ ምንም ሳይደክም
ባይተጋም ሙሉ ነዉ ቤቱ
ለፃድቁ ተከለከለ በጽድቅ የዘራዉንም አጣ
ሕይወቱ ከፋበት ተጨነቀ ያለ ኃጥያቱ ተቀጣ
አላልፍልህ አለዉ ጨለማ መንጋቱን እየናፈቀ
ጥሮ ግሮ አላተረፋም በኪሳራ ያለዉ አለቀ
አዝማች · Chorus
ለምን (፭x)
ለምን ግን
ለምን ለምን
የኃይላቸዉ ጥንካሬ ብርታታቸዉ ሲበዛ
በምስኪኑ ሲሳለቁ ሲያሳዩት ጭንቅ አበሳ
አመፀኞች ከፍ ሲሉ ሳይደክሙ ሲከናወኑ
ተከታይ ሲበዛላቸዉ ፃዲቁን ግን ሲኮንኑ
ለምን (፭x)
ለምን ግን
ለምን ለምን
ቁጥር 2 · Verse 2
እግዚአብሔር ከቶ አይባልም ለምን
የሚሰራዉን ስለሚመዝን
ፍርድ የተዛባ ቢመስልም እንኳን
አላማ አለዉ የእርሱ ዝምታ
ኃጥአን በድጥ ላይ ናቸዉ
ይፈጥናል ዉድቀታቸዉ
እግዚአብሄር ሲነሳ ከፊት ነዉ ጥፋታቸዉ
ለልበ ንጹሐን ግን ቀን ይወጣላቸዋል
የደረሰባቸዉን እግዚአብሔር ተመልክቷል
ፃድቅ ፃድቅ እግዚአብሔር ፃድቅ
እርሱ አይሳሳት ፃድቅ ነዉ ፃድቅ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ