መለሰን
Melesen
3:38 · አማርኛ
ቁጥር 1 · Verse 1
እንጀራ ልንበላ አልተከተልንህም
ሃብት ብልጥግና ወደ አንተ አልጠራንም
ለምድር በረከት ታይቶ ለሚጠፋ
መች ደምህ ፈሰሰ ለሚያልፍ ተስፋ
የዘላለም ሕይወት ማግኘታችን ጉዳይ
ሁሌም ብርቃችን ነው ከምን ጋር ሊተያይ
ሕይወት ያካፈልከን ኢየሱስ አንተ ነህ
ሌላ አላየንም በነፍሱ የጨከነ
ግን ዛሬ ሲመጣ በየአደባባዩ
ትኩረት የሚፈልግ የሚል እኔን እዩ
አንተን አደብዝዞ ራሱን የሚያጐላ
አባብሎ ወሰደን ሆነናል ተላላ
አዝማች · Chorus
አቤቱ ሕዝብህን መልሰን
ሳንጠፋ ቀድመህ ድረስልን
አቤቱ ልጆችህን አስበን
ከድፍረት ከውድቀት ታደገን
ቁጥር 2 · Verse 2
በጐ በሚመስል ሃሳብ እየተሳበ
በመልካም ንግግር ሕዝብ ተሰበሰበ
ዓመጸ ማይከለክል የረሳ ፍርድህን
እራሳችንን እንዳናይ አደንዝዞ አሰረን
በዘመን ፍጻሜ ጫፍ ላይ ሆነን ሳለን
ልባችን እንዳያይ ምንው ተደለለ
ዘይታችንን እንሙላ ጊዜው ሳይገባደድ
ፈጥነን እንመለስ ከሄድንበት መንገድ
አዝማች · Chorus
አቤቱ ሕዝብህን መልሰን
ሳንጠፋ ቀድመህ ድረስልን
አቤቱ ልጆችህን አስበን
ከድፍረት ከውድቀት ታደገን
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ