ምሥጋና የሚገባውን
Mesgana Yemigebawen
ትራክ 10 · 5:11 · አማርኛ
አዝማች · Chorus
ምሥጋና የሚገባውን
እግዚአብሔርን እጠራለሁ
ከጠላቶቼም እድናለሁ (፪x)
ቁጥር 1 · Verse 1
የአመጽ ፈሳሽ ሲያስፈራራኝ የሲዖል ጣርም ሲከበኝ
አምላክህ የታለ ሲለኝ ባላንጣዬ ሲያፌዝብኝ
ከመሠረቴ ሊነቅለኝ ቆይ ብቻ ሲል ሲዝትብኝ
የጌታን ሥም እጠራለሁ ከጠላቴም እድናለሁ
አዝማች · Chorus
ምሥጋና የሚገባውን
እግዚአብሔርን እጠራለሁ
ከጠላቶቼም እድናለሁ (፪x)
ቁጥር 2 · Verse 2
የጌታ ኢየሱስ ሥም ለእኔ የፀና ግንብ ነውና
እስከዛሬም እርሱን ጠርቶ ማንም አላፈረምና
በኪሩቤል የሚኖረው ሙሉ ተስፋ ስለሰጠኝ
ታምኜ ሥሙን እጠራለሁ ከጠላቴም እድናለሁ
አዝማች · Chorus
ምሥጋና የሚገባውን
እግዚአብሔርን እጠራለሁ
ከጠላቶቼም እድናለሁ (፪x)
ቁጥር 3 · Verse 3
በጨነቀኝ ጊዜ ሁሉ እግዚአብሔርን ጠራሁት
ስቅስቅ እያልኩኝ በእንባ የሆዴን ብሶት ነገርኩት
ከዚያም በበቀል ወረደ ከሰማይ አንጐደጐደ
በመብረቁ አወካቸው በፍላጻው በተናቸው
አዝማች · Chorus
ምሥጋና የሚገባውን
እግዚአብሔርን እጠራለሁ
ከጠላቶቼም እድናለሁ (፪x)
ቁጥር 4 · Verse 4
ለጥርሶቻቸው ንክሻ አላደረገኝምና
ከተዘረጋብኝ ወጥመድ ሁሌ አድኖኛልና
አርነቴን ከሚቀማ ከሰይጣን ጋርዶኛልና
ሥሙ ይክበር ሃሌሉያ እያልኩኝ ልኑር በእርሱ ጉያ
አዝማች · Chorus
ምሥጋና የሚገባውን
እግዚአብሔርን እጠራለሁ
ከጠላቶቼም እድናለሁ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ