ለእኔም አባቴ ሆይ
Leniem Abatie Hoy
ትራክ 1 · 4:00 · አማርኛ
ቁጥር 1 · Verse 1
መዋረዳቸውን አይተህ አንተ ባርከሃቸው
የቤትህን ልጆች አንተ ሰብረሃቸው
ትዕቢታቸው ቀርቶ በትሁት ልባቸው
እንባቸውን ሲያፈሱት ለአንተ አየኋቸው
አዝማች · Chorus
ለእኔም አባቴ ሆይ ልቤን ስበርልኝ
እኔነቴ ቅርቶ ጸጋህ እንዲበዛልኝ
ትዕቢቴን ሽረህ ትህትና አልብሰኝ (፪x)
ቁጥር 2 · Verse 2
ጌታ ዘወትር መሰበርን ሽቼ
አብዝቼ እጮሃለሁ ሌተቀን ተግቼ
እስከመቸ ድረስ ሕይወቴ እንዲህ ደርቆ
እኖራለሁ ጌታ ልምላሜ አርጐ
አዝማች · Chorus
ለእኔም አባቴ ሆይ ልቤን ስበርልኝ
እኔነቴ ቅርቶ ጸጋህ እንዲበዛልኝ
ትዕቢቴን ሽረህ ትህትና አልብሰኝ (፪x)
ቁጥር 3 · Verse 3
የመሰበር ፍላጐቴ ግለቱ ሳይበርድ
ሰማዬችን ከፍተህ ምነው ብትወርድ
ምርኩዜን ፈትነህ እባክህ ስበረኝ
ትሁትና ታዛዥ መሆን አስተምረኝ
አዝማች · Chorus
ለእኔም አባቴ ሆይ ልቤን ስበርልኝ
እኔነቴ ቅርቶ ጸጋህ እንዲበዛልኝ
ትዕቢቴን ሽረህ ትህትና አልብሰኝ (፪x)
ቁጥር 4 · Verse 4
የራሴን ማንነት ያኔ በርግጥ እረዳለሁ
የውስጥ ዓይኔ በርቶ አብዝቼም አያለሁ
በፍፁም ግልጽነት ስምህን አውጃለሁ
በበረከት ሙላት አስከብርሃለሁ
አዝማች · Chorus
ለእኔም አባቴ ሆይ ልቤን ስበርልኝ
እኔነቴ ቅርቶ ጸጋህ እንዲበዛልኝ
ትዕቢቴን ሽረህ ትህትና አልብሰኝ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ