ነፍሴን የሚያረካ

ቁጥር 1 · Verse 1

አንዳንዶች ገንዘብ ይላሉ

አንዳንዶች ዝና ይላሉ

አንዳንዶች ዘመድ ይላሉ

አንዳንዶች ዕውቀት ይላሉ

እኔ ግን እርግጠኛ ነኝ

አንተው ነህ የምትበልጠው (፪x)

ቁጥር 2 · Verse 2

እግዚአብሔር ሆይ አንተ ብቻ ነህ

ለሰዎች ሁሉ መፍትሄ ያለህ

ጌታ ኢየሱስ ሆይ አንተ ብቻ ነህ

ለሰዎች ሁሉ መፍትሄ ያለህ

ነፍሴ ወደደችህ ወዴት ትገኛለህ

ስፍራውን አሳየኝ የት ታሰማራለህ (፪x)

ቁጥር 3 · Verse 3

ብርና ወርቅ አያጓጓኝም

ልቤን አይነካኝም ዓይኔን አይስበኝም

የሚያጓጓኝ የእግዚአብሔር መንግሥት ነው

ርሃቤ ጥማቴ ጽድቁ ነው ጽድቁ ነው (፪x)

ቁጥር 4 · Verse 4

አንተን ነው ነፍሴ የተጠማችው

አንተን ነው ነፍሴ የተመኘችው

የአንተን ስጦታ መፈለግ ትታለች

አንተን እራህን ትፈልጋለች

የአንተን በረከት መፈለግ ትታለች

አንተን ራስህን ትፈልግሃለች

ቁጥር 5 · Verse 5

ምን አዲስ ነገር አለ

ከዚህ ፀሐይ በታች

የእግዚአብሔር ልጅ ነው እንጂ

ለሰዎች የሚበጅ (፪x)

ቁጥር 6 · Verse 6

ጌታ ኢየሱስ ነው እንጂ ለሰዎች የሚበጅ

ነፍሴ ወደደችህ ወዴት ትገኛለህ

ስፍራውን አሳየኝ የት ታሰማራለህ (፪x)

ቁጥር 7 · Verse 7

መዝገቤ እኮ አንተ ጋር ነው

መዝገቤ በሰማይ

መዝገቤ በአለበት

ልቤስ በዚያ አይደል ወይ (፫x)

ቁጥር 8 · Verse 8

ነፍሴ ወደደችህ ወዴት ትገኛለህ

ስፍራውን አሳየኝ የት ታሰማራለህ (፪x)