Tesfaye Gabisso/Yenazretu Eyesus/Egziabhier Sireda
ትራክ 11 · አማርኛ
ቁጥር 1 · Verse 1
በሕይወት ጐዳና ፈተና ቢበዛም
ጌታን እየጠራ ንጹህ ሰው አይጠፋም
እጄን ያዘኝ ብሎ ሲጮህ ይሰማዋል
ከረግረግ አውጥቶ በድል ይመራዋል
አዝማች · Chorus
እግዚአብሔር ሲረዳ ከሰማያት ወርዶ
በደልን ሲያስወግድ በቅንነት ፈርዶ
አላያችሁም ወይ ወጥመዱ ሲሰበር
ምርኮኛው ተለቆ ማዳኑን ሲናገር
ቁጥር 2 · Verse 2
ችግረኛውን ሊውጥ ጠላት ሲገዳደር
በሚያስፈራራ ቃል በትዕቢት ሲናገር
ደርሶ የሚታደግ እግዚአብሔር ብቻ ነው
በሰው መታመን ግን የከንቱ ከንቱ ነው
አዝማች · Chorus
እግዚአብሔር ሲረዳ ከሰማያት ወርዶ
በደልን ሲያስወግድ በቅንነት ፈርዶ
አላያችሁም ወይ ወጥመዱ ሲሰበር
ምርኮኛው ተለቆ ማዳኑን ሲናገር
ቁጥር 3 · Verse 3
ያለውን ተነጥቆ ሁሉን ነገር አጥቶ
ከአጠገቡ የሚቆም ጌታ ብቻ ቀርቶ
በእንግድነት አገር ተገፍቶ ለሚያልፈው
ተስፋው መሰረቱ አምላኩ ብቻ ነው
አዝማች · Chorus
እግዚአብሔር ሲረዳ ከሰማያት ወርዶ
በደልን ሲያስወግድ በቅንነት ፈርዶ
አላያችሁም ወይ ወጥመዱ ሲሰበር
ምርኮኛው ተለቆ ማዳኑን ሲናገር
ቁጥር 4 · Verse 4
የቅዱሳን ረድኤት ከሰማይ ይመጣል
ዘመናትን ቆጥሮ ጌታ ይመለሳል
የልጆቹን እንባ ከዓይናቸው ያብሳል
ክብርና ምሥጋና ለሥሙ ይሆናል
አዝማች · Chorus
እግዚአብሔር ሲረዳ ከሰማያት ወርዶ
በደልን ሲያስወግድ በቅንነት ፈርዶ
አላያችሁም ወይ ወጥመዱ ሲሰበር
ምርኮኛው ተለቆ ማዳኑን ሲናገር
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ