Tesfaye Gabisso/Yenazretu Eyesus/Selewededkegn Wedehalew
ትራክ 7 · አማርኛ
ቁጥር 1 · Verse 1
ለምን ወደድከኝ አልልህም በእርግጥ ወደኸኛል
የፍቅርህ መግለጫ ይሄ ነው ለእኔ ተወግተሃል
አንተ ለእኔ የሆንከውን ያህል እኔ ለአንተ አልሆንኩም
ምን ያህል እንደሆነ አላውቅም ለክቼ አላየሁም
ግን አንድ ነገር አውቃለሁ
አዝማች · Chorus
ስለወደድከኝ ወድሃለሁ (፪x)
ቁጥር 2 · Verse 2
ከእርግማን ስለ ዋጀኸኝ ሞተህ ሸክሜን ስለ ወሰድክ
በመንፈስ ቅዱስ ስለ ሞላኸኝ ነፍሴን ስለ ባረክ
ፀጋህን አብዝተህ ስለ ሰጠኸኝ ከቶም ስላልተውከኝ
ምን ያህል እንደሆነ አላውቅም ለክቼም አላየሁም
ግን አንድ ነገር አውቃለሁ
አዝማች · Chorus
ስለወደድከኝ ወድሃለሁ (፪x)
ቁጥር 3 · Verse 3
ደስ ላሰኝህ እቀናለሁ በሕይወቴ ላከብርህ
ሆኖም ከቶ አልጠቀምኩህም ሁሌ ሳሳዝንህ
ይልቅ ብዙ አድክሜሃለሁ የትም እየቀረሁ
ብዙም ስላላፈራሁ ኢየሱስ ከፍቶኝ አለቅሳለሁ
አዝማች · Chorus
ምን ያህል እንደሆነ አላውቅም ለክቼም አላየሁም
ግን አንድ ነገር አውቃለሁ
ስለወደድከኝ ወድሃለሁ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ