መቼ ነው
Mechie New
ትራክ 4 · 4:21 · አማርኛ
ቁጥር 1 · Verse 1
ማለዳ እየመጣህ ስታነቃኝ
ጆሮዬን ከፍተህ ስትናገረኝ
በማስተዋል መንገድ ስትመራኝ
ከሕይወት ምንጭ ውኃ ስታረካኝ
ለምልሞ ነበር ሕይወቴ
እንዲህ አልዛለም ጉልበቴ
እባክህ አስበኝ አንተ ነህ መድኃኒቴ
አዝማች · Chorus
መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣው (፪x)
ቁጥር 2 · Verse 2
በሌሊት ስነሳ ከእንቅልፌ
ሥምህ ነው የሚመጣው ፈጥኖ በአፌ
ህመሜን ለአንተ እናገራለሁ
ድምጽህን አሰማኝ እማራለሁ
ጌታ ሆይ መቃተቴን ስማ
ነፍሴ እንደዚህ ተዳክማ
እንደ ምን ትዘልቃለች ትካዜን ተሸክማ
አዝማች · Chorus
መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣው (፪x)
ቁጥር 3 · Verse 3
የተወሰነው ስዓትህ ሞልቶ
የሀዘኑ ጊዜ አብቅቶ
ድካም ድንዛዜ ተወግዶ
ኃይልህ የሚሞላኝ ከላይ ወርዶ
መቼ ነው ደስ የምሰኘው
በጉብኝትህ የምጽናናው
ጉልበት ተመልሶ በእግሬ የምቆመው
አዝማች · Chorus
መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣው (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ