የአደባባይ ሰው ሆነህ
Yeadebabay Sew Honeh
ትራክ 3 · 3:41 · አማርኛ
ቁጥር 1 · Verse 1
የአደባባይ ሰው ሆነህ
በየማዕዘኑ ላይ ቆመህ
ሰውን አይተህ በሰው ታይተህ (፪x)
ቁጥር 2 · Verse 2
በስወር አይቶ በግልጥ የሚከፍልህን
በከፍታ ላይ የሚያስኬድህን
ረስተህ የለም ወይ አሳዳጊ ጌታህን
አዝማች · Chorus
በስውር የሚቀመጡ
ጌታቸውን የሚያደምጡ
የሕይወትን ቃል የሚያመጡ (፪x)
ቁጥር 3 · Verse 3
ሰውን ለማነጽ ነቅተው የሚታጠቁ
ለበጐ ሥራ ሁሉ የሚበቁ
ምስጉኖች ናቸው መማለድን የሚያዉቁ
አዝማች · Chorus
ከእግዚአብሔር የተላከ
እርሱ ነው የተባረከ
ቃሉን ብቻ እየሰበከ (፪x)
ቁጥር 4 · Verse 4
አንተንስ ማነው አስነስቶ የላከህ
በፍጻሜው ላይ ትጠየቃለህ
እንደ ሥራህም ያኔ ትከፈላለህ
አዝማች · Chorus
ሥራህ ድካምህ ብዙ ነው
አንተነትህን ያጐላው
ጌታ እንዳይታይ የጋረደው (፪x)
ቁጥር 5 · Verse 5
እስኪ በእውነት መርምረው ሕይወትህን
መፀለይ ትተህ መራቆትህን
ኢየሱስን ጋርደህ አንተ መታየትህን
አዝማች · Chorus
ስማው ኢየሱስ ይመክርሃል
"ተው ፣ እረፍ ፣ ፀልይ" ይልሃል
ከእግሮቹ ሥር ሥጋህን ጣል (፪x)
ቁጥር 6 · Verse 6
ያን ጊዜ ጌታ በሰገነት ላይ ወጥቶ
ለዓለም ይታያል ብርሃኑ በርቶ
ሕይወት ይበዛል የስንዴው ቅንጣት ሞቶ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ