ቸር ነውና
Cher Newena
አማርኛ
አዝማች · Chorus
ቸር ነውና ምህረቱ የለው ወደር
ክብር ይሁንለት በሰማይ በምድር
እልል በሉ ዘምሩለት በበገና
አምልኮ ለእግዚአብሔር ይገባዋልና
ይገባዋል (፰x)
ቁጥር 1 · Verse 1
ሰማይና ምድርን በቃሉ ያጸና
ሁሉን የፈጠረ ኃያል ባለዝና
በእውነት እንደ ቃሉ ፍፁም የታመነ
አልፋና ኦሜጋ ኤልሻዳይ የሆነ
ዘለዓለማዊ አምላክ ሁሉ ይቻለዋል
አምልኮና ስግደት ክብር ይገባዋል
ሃሌሉያ ሃሌሉያ ሃሌሉያ (፬x)
አዝማች · Chorus
ቸር ነውና ምህረቱ የለው ወደር
ክብር ይሁንለት በሰማይ በምድር
እልል በሉ ዘምሩለት በበገና
አምልኮ ለእግዚአብሔር ይገባዋልና
ይገባዋል (፰x)
ቁጥር 2 · Verse 2
የሞት አዋጅ ሽሮ ሕይወትን የሚሰጥ
መራራውን ሃዘን በሳቅ የሚለውጥ
አጥፊውን አጥፍቶ ምስኪኑን ያከብራል
ሃሳቡ እንደዋዛ መቼ ይከለከላል
ማደሪያው ይባረክ ክብር ይሁንለት
የፍጥረታት ጌታ የሕያዋን አባት
ሃሌሉያ ሃሌሉያ ሃሌሉያ (፬x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ