ገለል ይላል
Gelel Yelal
አማርኛ
ቁጥር 1 · Verse 1
እኔ ግን ሁሉን ለሚችለው ለርሱ ተለይቻለሁ
በተቀደሰው ተራራዬ ንጉሤን ሾሜዋለሁ (፪x)
አመልከዋለሁ በቤቴ አከብረዋለሁ
አነግሰዋለሁ በልቤ እቀድሰዋለሁ (፪x)
ከተነገረለት ከተባለው በላይ
ትልቅ ነው አምላኬ በምድር በሰማይ
እሰግድለታለሁ ይገባዋል እሱ
ከፍ አደርገዋለሁ በቤተ መቅደሱ
ኤልሻዳዩን አምላክ ሳመልከው ከልቤ (፪x)
ስሙን ሳወድሰው በፍፁም ሃሳቤ (፪x)
ምን ይሳነዋል ጌታ ታምራት ይሆናል (፪x)
የሚገዳደረኝም ጥሎኝ ገለል ይላል
አዝማች · Chorus
ገለል ይላል (፫x)
ቁጥር 2 · Verse 2
ከፊቴ ገለል ይላል (፪x)
ቢመከር ቢዶለት ወጥመድ ቢዘረጋ
የጠላት ሠራዊት ሺህ ሆኖ ቢንጋጋ
እውነት እንደ ጋሻ ዙሪያዬን ከብቦኝ
ምልክት አለብኝ በየት ሊያገኘኝ
በነፍሥም እንኳን ቢሆንም እወራረዳለሁ (፪x)
ከሚነድም እሳት ያድናል አምናለሁ (፪x)
የቃልኪዳን ልጅ ነኝ ይሄው ነው ትምክህቴ ጌታ ነው ትምክህቴ
ጭንገፋና እርግማን አይገቡም በቤቴ (፪x)
የጌታን ሥም ስጠራ ችግር ቢሆን መከራ
ኢየሱስን ስጠራ ሸለቆ ቢሆን ተራራ
የስልጣኑን ጉልበት መቼ ይቋቋማል
አዝማች · Chorus
ገለል ይላል ከፊቴ ገለል ይላል (፫x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ