ድል ለማድረግ ወጣ
Del Lemadreg Weta
ትራክ 6 · 2:26 · አማርኛ
ቁጥር 1 · Verse 1
የፈርዖን ገንዘብ ያልማረከው ጀግና
ዓይኑ ያልደከመ ያላለቀ ገና
ድል ለማድረግ ወጣ በጦርነት ሲቃ
አዝማች · Chorus
በጀርባው አንግቦ የአምላኩን ጦር ዕቃ (፪x)
ቁጥር 2 · Verse 2
የወይኒው አስራት የግርፋት ብዛት
አልቻለው ሊያበርደው የፍቅሩን ትኩሳት
ፎከረ ያ ጐበዝ ሊጥል ሊገረስስ
አዝማች · Chorus
ጠምዶ በቀኝ እጁ የቃሉን መትረየስ (፪x)
ቁጥር 3 · Verse 3
የልብ ዓይኑ ፈጦ ትኩር ብሎ እያየ
የጠላትን ምሽግ ሰፈሩን አጋዬ
የአርያም እሳት በኃይል ጐብኝቶታል
አዝማች · Chorus
እባቡና ጊንጡን ከእግሩ ስር ረግጦታል (፪x)
ቁጥር 4 · Verse 4
በድካም በረታ ጅማቱ ጠንክሯል
አንገብግቦት ፍቅሩ ወኔው ተቀስቅሷል
በጀርባው መተልተል ጌታን አከበረ
አዝማች · Chorus
የሞትንም ባሕር በእምነት ተሻገረ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ