መጥቷል በንስሃ
Metual Beneseha
ትራክ 4 · 4:21 · አማርኛ
ቁጥር 1 · Verse 1
ሊጠፋ የነበር በኃጢያቱ ረክሶ
ለጥቂት አምልጦ ከዓለም ተመልሶ
ማንነቱን አውቆ ልብ ገዝቶ ኖሮ
ባለፈው ጥፋቱ በጸጸት ተማሮ
መጥቷል በንስሃም የጌታን ቃል ሰምቶ
አዝማች · Chorus
ሰይጣንን ዓለምን ሥጋን ተሰናብቶ (፪x)
ቁጥር 2 · Verse 2
እንዲያው ሲግደረደር ጥማቱን ደብቆ
የጭንቀቱን ግፊት በሆዱ አምቆ
ሰላምን ለማግኘት ሲባዝን ሰንብቶ
ከሰላም አለቃም መንገድ ተገናኝቶ
አሁን ወጥቶለታል ችግሩን ተንፍሶ
አዝማች · Chorus
ተጽናንቶም ይኖራል ሕይወቱ ታድሶ (፪x)
ቁጥር 3 · Verse 3
ወዶታል ከአንጀቱም ተመክቶበታል
ጌታም በጠላት ፊት በዘይት ቀብቶታል
ከትቢያ አንስቶ ሞገስን ሰጥቶታል
በድል አየመራው ከዚህ አድርሶታል
እንደ ሰባ እንቦሳም በደስታ ይዘላል
አዝማች · Chorus
እየፈነደቀም ሀሌሉያ ይላል (፪x)
ቁጥር 4 · Verse 4
ጠቢባን ግንበኞች ወደ ጐን የጣሉት
አይጠቅመንም ብለው በንቀት የካዱት
የናዝሬቱ ኢየሱስ ግን የማዕዘን አለት
ሆኖለታል ለእርሱ የሕይወት መሰረት
ከዳንኩኝስ ብሏል አዲስ ሰው ከሆንኩኝ
አዝማች · Chorus
ዘመድ ወዳጆቼ ያሉትን ይበሉኝ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ