እግዚአብሔርን በእውነት ለሚወዱ
Egziabhier Bewenet Lemiwedu
5:18 · አማርኛ
አዝማች · Chorus
እግዚአብሔርን በእውነት ለሚወዱ
እንደ ሀሳቡም ደግሞ ለተጠሩ
ነገር ሁሉ ለበጐ እንዲደረግ
እናውቃለን ይሄን እናውቃለን (፬x)
ቁጥር 1 · Verse 1
በምድር ሰልፍ ሲያይል ሲበረታ
ያመኑትም ቃልኪዳኑ ሲፈታ
መውጫው ጠፍቶ ቀኑ ሲጨላልም
መባረኪያው ዘመኑ ሲረዝም
ጌታን ታምኖ በአንዳች ሳይጨነቅ
በወጀቡ ፈርቶ ስፍራን ሳይለቅ
ማን ነው እርሱ በእግዚአብሔር ያረፈ
መከራውን በደስታ ያለፈ (፪x)
አዝማች · Chorus
እግዚአብሔርን በእውነት ለሚወዱ
እንደ ሀሳቡም ደግሞ ለተጠሩ
ነገር ሁሉ ለበጐ እንዲደረግ
እናውቃለን ይሄን እናውቃለን
ቁጥር 2 · Verse 2
እናምናለን ይሄን እናምናለን (፫x)
በአንበሶች ጉድጓድ መጣል መርጦ
የአንብን ማስፈራራት ረግጦ
ከልቡ ነው ለአምላክ ያደረሰው
ብርቱ ነፋስ ያላንገዳገደው
አልበላው አውሬው አንደዋዛ
በክብሩ ያ ሰው ተገዛ
ቢመስል እንኳን እግዚአብሔር የጣለው
የሚሆነው ሁሉም ለበጐ ነው (፪x)
አዝማች · Chorus
እግዚአብሔርን በእውነት ለሚወዱ
እንደ ሀሳቡም ደግሞ ለተጠሩ
ነገር ሁሉ ለበጐ እንዲደረግ
እናውቃለን ይሄን እናውቃለን (፪x)
ቁጥር 3 · Verse 3
እንሰብካለን ይሄን እንሰብካለን (፪x)
ቢያሰለችም የምድር ውጣ ውረድ
ሌላው ሲከብር አንተ ብትዋረድ
ብርሃኑ ቶሎ ቢመሽብህ
የታመንከው ድንገት ቢርቅብህ
ያስብሃል ጌታ በሞገሱ
አካሎችህ መከራ እስኪረሱ
አትከፋ በአምላክ ፀጋ ቻለው
አይጥልህም እግዚአብሔር ቀን አለው (፪x)
አዝማች · Chorus
እግዚአብሔርን በእውነት ለሚወዱ
እንደ ሀሳቡም ደግሞ ለተጠሩ
ነገር ሁሉ ለበጐ እንዲደረግ
እናውቃለን ይሄን እናውቃለን
ቁጥር 4 · Verse 4
እንሰብካለን ይሄን እንሰብካለን
እናምናለን ይሄን እናምናለን (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ