ፍፁም አላፈረም
Fitsum Alafrem
2020 · ትራክ 1 · 5:06 · አማርኛ
ቁጥር 1 · Verse 1
ስለበደላችን ደቀቀ
ስለኃጥያታችን ቆሰለ
ስለመተላለፋችን ሞተ
በመገረፉ ቁስል ፈወሰን
በቀራኒዮው ስፍራ በመስቀል የሞተው
በእሾህ ሲጎነጉኑ ደሙ የፈሰሰው
በጦር ጎኑን ሲሉ በአለንጋ ሲልጡ
ዝም ማለቱ ለእኛ ነው መራራን ሲያጠጡ
ፍጹም አላፈረም እርቃኑን ሲታይ ሰለ እኛ ለአለም
አዝማች · Chorus
ስሙ ይክበር ዘላለም ይንገስ ወልድ እግዚአብሄር
ቁጥር 2 · Verse 2
በእራስ ቅሉ መንደር የፈሰሰው ደሙ ንጹህ ነው
ያለዋኖስ ያለበጐች ደም የአለምን በደል ጠረገው
ደሙን ይዞ ገባ ወደ አባቱ አወረደ ከላይ ምሕረቱን
አመጻችን ሁሉ ተወግዶ ተቆጠረ በእኛ ላይ ፅድቁ
ፍጹም አላፈረም እርቃኑን ሲታይ ሰለ እኛ ለአለም
አዝማች · Chorus
ሥሙ ይክበር ዘላለም ይንገስ ወልድ እግዚአብሄር
ቁጥር 3 · Verse 3
እጅጉን በችንካር አጥብቀው ወጠሩ
ጀርባውን በጅራፍ እያቆሰሉ
የአለማት ፈጣሪን ያለእፍረት ቢንቁ
ጸሀይ እና ጨረቃ እርሱን አከበሩ
በምሕረቱ ነው ባለጠጋ
እኛን ሊምር ወደደ ጌታ
አዝማች · Chorus
እኛን አለ ሩሃማ (፪x)
እኔን አለ ሩሃማ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ