ሁሉን እችላለሁ

ቁጥር 1 · Verse 1

የመከራ ናዳ ትከሻው የቻለው

የድልን ጐዳና ሊያሳየኝ ብሎ ነው

እስከመጨረሻው በአምላኬ ታምኜ

ጌታን አየዋለሁ ምድር አፋፍ ላይ ሆኜ

ቁጥር 2 · Verse 2

ጊዜው ቢቆርቁር አንጀቴ ቢባባ

ልቤ ቢርድብኝ ዓይኔ ቢያዝል እንኳ

ሞትን ድል የነሳው ዛሬም ድል የእርሱ ነው

ከእቅፉ ፈልቅቆ የሚጐዳኝ ማነው

ቁጥር 3 · Verse 3

ተስፋሽ አምላክሽ ነው ነፍሴ ሆይ አትፍሪ

አምላክ ደጀኔ ነው ብለሽ ተናገሪ

መከታሽ ከሆነ የጌቶቹ ጌታ

በዓለም አይገኝም አንቺን የሚረታ

ቁጥር 4 · Verse 4

በጐደለኝ ነገር አምላክ ነው ሙላቴ

በጥማቴ እርካታ በድካም ብርታቴ

ከመጪው ፈተና እንዲያስጥለኝ አውቃለሁ

ባያደርገው እንኳን ከእርሱ ጋር እሞታለሁ