ጌታዬን አከብራለሁ

ቁጥር 1 · Verse 1

አነባ ጌታዬ አፈር ላይ ተደፍቶ

የወደቀበትን ጭንቀት ተመልክቶ

ጌታዬ ተጨንቆ አባዬ ሆይ አለ

አጋዥ አልተገኘም ለጌታ የዋለ

መስቀል ተሸክሞ ትከሻው ተላጠ

ግርፋቱ በዛ ገላዉ ተመለጠ

ራቁቱን ደም ሲያፈስ በቀራንዮ ዋለ

አንገቱ ደፋ ሲል ዕዳ ተከፈለ

ቁጥር 2 · Verse 2

ዝናን ከበሬታን ሞገስን በሥጋ

ሊያገኝ ወዶ ነፍሱን ከዓለም ከሚያስጠጋ

ይሻላል ጭጋፉ ውዳቄን እኔን መሳይ

በሥጋው ተንቆ በእምነት ጌታን የሚያይ

ቁጥር 3 · Verse 3

ማቆ በመከራ ጐስቋላ አካል ይዞ

በረሃን የሚዘልቅ ጌታን ተመርኩዞ

ተሸማቆ ኑሮውን ለጌታ ሲል ችሎ

ያለፈን አየሁት አክሊል ተቀብሎ

ቁጥር 4 · Verse 4

በሞቱ ሊመስለዉ ጌታን ተከትሎ

ወድቆም የሚነሳ አልሸነፍ ብሎ

ለጠላቱ ታግሎ የማታ የማታ

ጌታው ምሎለታል እርሱ እንደሚረታ

ቁጥር 5 · Verse 5

ጌታዬን አከብራለሁ (፫x) በኑሮዬ

ጌታዬን አከብራለሁ (፫x) በኑሮዬ