መድህኔ
Medhene
2017 · ትራክ 7 · 7:07 · አማርኛ
አዝማች · Chorus
ኢየሱስ መድህኔ
የተጎሳቆለልኝ ለኔ
ነፍሴን ሊያድናት
እርሱ ሆነ መስዋእት (፪x)
ደሙ ያድናል ደሙ (፫)
የመስቀል ላይ ጣሩ ስቃዩ ህመሙ
ቁጥር 1 · Verse 1
ልከፍልው በማልችልው እዳ
በሞት ጥሪ ነፍሴ ተገዳ
ሳዘግም ወደ ሲኦል መንገድ
ከሰማይ ራርቶልኝ እግዚአብሔ
ውድና አንድ ልጁን ላከልኝ
በኔ ፈንታ እንዲታረድልኝ
ሳያቅማማ መጣ ኢየሱሴ
አመለጠች ከሲኦል ነፍሴ
አለብኝ ውለታዉ (፪)የሱስ የከፈለዉ
ብር ወርቅ አይደለም ነፍሱን ነዉ(፪x)
ተጠምቶ ሲጠጣ መራራ
ሲከፍል የኔን ስቃይ መከራ
የሾህ አክሊል ጭኖ በራሱ
ሲጨነቅ እስክታልፍ ነፍሱ
ቀና ብሎ ሲያይ ወደ አባቱ
ጨክኖ አዞረበት ፊቱን
አንገቱን ደፍቶ ስለእኔ
ተፈጸመ አለ መድህኔ
አዝማች · Chorus
ኢየሱስ መድህኔ
የተጎሳቆለልኝ ለኔ
ነፍሴን ሊያድናት
እርሱ ሆነ መስዋእት (፪x)
ደሙ ያድናል ደሙ (፫)
የመስቀል ላይ ጣሩ ስቃዩ ህመሙ
ቁጥር 2 · Verse 2
ስለምን ይሆን ይሄ ጌታ
ያጣጣረው በዚያ ጎልጎታ
የተሰደበ የተተፋበት
ባልሰራው ባልፈጸመው ሃጢያት
ለካ ስለ እኔ ነው ቤዛ
ነፍሱን ከፍሎ ነፍሴን የገዛ
ቃል የማይገልጸው ድንቅ ፍቅሩ
ገለጠልኝ በመስቀል ጣሩ
አለብኝ ውለታዉ (፪)የሱስ የከፈለዉ
ብር ወርቅ አይደለም ነፍሱን ነዉ(፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ