አግዘኝ
Agezegn
2010 · ትራክ 2 · አማርኛ
ቁጥር 1 · Verse 1
ለውድቀት መሮጤ ምንድነው
ማዳንህ የገባኝ ጥንት ነው
አባቴ ልጄ አንቺ የኔ እያልከኝ
የጎረቤት ኑሮ የናፈቀኝ
ጥፋቱ ከጠላት ወይ ከኔ
ገብቶኝ እንዳልገባው መሆኔ
አመል ካልሆነብኝ በስተቀር
አሁን ምን ይገኛል ጠላት ሰፈር
አዝማች · Chorus
አግዘኝ ደግፈኝ
ብቻዬን አቅም የለኝ
ያየህልኝን ቁም ነገር
እንዳላጣው በተራ ነገር (፪x)
ቁጥር 2 · Verse 2
ማን አየኝ አላየኝ ኑሮዬን
አልደብቀው ካንተ ገበናዬን
ሰው ፈርቶ ሰው ሸሽቶስ እስከመቼ
ልኑር መጀመሪያ አንተን ፈርቼ
እንዳልሞት ነበረ መዳኔ
ፈቅደህ የሞትክልኝ ካህኔ
እያወቅኩ ከገባሁ ከእሳቱ
ማን ሊመልሰኝ ነው ማን ብርቱ
አዝማች · Chorus
አግዘኝ ደግፈኝ
ብቻዬን አቅም የለኝ
ያየህልኝን ቁም ነገር
እንዳላጣው በተራ ነገር (፪x)
ቁጥር 3 · Verse 3
ነጻነቴም በዛ መሰለኝ
ምን አለበት ኑሮ ለመደኝ
ቀለለኝ የጥፋት መንገዴ
ላይቀርልኝ ካለፈ መንደዴ
የማውቀውን እውነት ሳልገፋ
ከበር መልስ ሳልሆን ሳልጠፋ
ብላቴናነቴን ታደገው
አውለው ከቤትህ ከሚበጀው
ቁጥር 4 · Verse 4
አግዘኝ ደግፈኝ (ደግፈኝ)
ቁጥር 5 · Verse 5
ብቻዬን አቅም የለኝ (ብቻዬን----አቅም የለኝ)
ያየህልኝን ቁም ነገር (ያየህልኝን----ቁም ነገር)
እንዳላጣው በተራ ነገር (እንዳላጣው----ተራ ነገር) (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ