አሻፈረኝ

ቁጥር 1 · Verse 1

ኢየሱስ ሲጠራኝ እርሱን ተከተልኩኝ (፪x)

በጣም ረጅም መንገድ ተጉዤ መጣሁኝ (፪x)

ቁጥር 2 · Verse 2

ከእንግዲህ ወደ ኋላ ዞር ብዬ አላይም

የመጣ ይምጣ እንጂ ከርሱ አልለይም

አሻፈረኝ አሃ ወደኋላ አልመለስም

ወስኛለሁ አንዴ ከኢየሱስ ጋር ነኝ አልለየውም

የረሳሁት ነገር ከኋላ ቢኖርም

ይቅርብኝ ብያለሁ ከኢየሱስ አይበልጥም

ቁጥር 3 · Verse 3

ለእኔ እንደ ኢየሱስ ማን ይሆንልኛል (፪x)

በዓለም ካለው ነገር ሁሉ በልጦብኛል (፪x)

ቁጥር 4 · Verse 4

እኔ መርጨዋለሁ ምንም ሳላቅማማ

ዛሬ እፎክራለሁ ጠላት እየሰማ

ቁጥር 5 · Verse 5

የመኖር ትርጉሙ ፍጹም ግራ ገብቶኝ (፪x)

ሌት ተቀን ስጨነቅ የማደርገው ጠፍቶኝ (፪x)

ቁጥር 6 · Verse 6

ከእለታት አንድ ቀን ኢየሱስ ብቅ አለልኝ

ጨልሞ የነበረው ተስፋዬም በራልኝ

እንደቀድሞ እንደኔ ግራ የተጋባችሁ

ነግቶ ሳለ ቀኑ የጨለመባችሁ

ወደ ጌታ ኢየሱስ እኔ ልጋብዛችሁ

እና በእርሱ ብርሃን ብርሃን ታያላችሁ

ቁጥር 7 · Verse 7

ከንግዲህስ ቢሆን ምን ይሳንሃል

ቁጥር 8 · Verse 8

እኔ በአንተ ተስፋ አልቆርጥም

በጠላቴ ዛቻ ከቶ አልናወጥም

የኤርትራን ባህር በክንድህ ከፍለሃል

ፈረሱን ፈረሰኛውን በባሕር ጥለሃል

ዛሬም በእኛ ዘመን ክንድህ ስላልዛለ

የጠላትን ስራ ታፈራርሳለህ