ባነበብነው በሰማነው

ቁጥር 1 · Verse 1

እነዚህን የሚያህሉ ምስክሮች አሉ በዙሪያችን

እኛም ደግሞ ሃያል ክንድህ ድንቅ አድርጐ አይተናል በዓይናችን

እግዚአብሔር ታላቅ ነህ ከምንልህ በላይ

ሥምህ ብሩክ ይሁን በምድር በሰማይ (፪x)

ቁጥር 2 · Verse 2

በነፍሳችን እንዳንዝል እንዳንደክም ደግፎ የሚያቆመን

ለአንድ አፍታም የማንረሳው የማንጥለው ድንቅ ታሪክ አለን

የነገው ደመና የሚያጨልመው ነገር

አይከለክለንም አንተን ከማመስገን (፪x)

ቁጥር 3 · Verse 3

አይተንሃል ፣ ሰምተንሃል ፣ ዳሰንሃል ፣ እንመሰክራለን

እንደ ጠላታችን ምኞት አልጠፋንም ዛሬም በሕይወት አለን

በሆነልን ነገር ብዙ ተደንቀናል

የአባታችን መንግሥት ገና ይጠብቀናል (፪x)

ቁጥር 4 · Verse 4

ጻድቅ ፈራጅ እውነተኛ ፣ ፊትን አይተህ ፈጽሞ አታደላ

ፀሐይ ለጠለቀችበት ለጨነቀው ፣ ትሰጣለህ መላ

ጊዜ ደረሰና ሁሉም ልኩ ታውቋል

የሳቀ ሲያለቅስ ፣ ያለቀሰም ስቋል (፪x)