እስከ ዛሬ የጠበቀኝ

ቁጥር 1 · Verse 1

እስከዛሬ የጠበቀኝ በእጁ ይዞ ያለቀቀኝ

የክርስትናን ቀጭን መንገድ የሕይወትን ውጣ ውረድ

ባይበዛልኝ የእርሱ ፀጋ አንዷም ሌሊት አትነጋ

ዛሬም ቆምኩኝ በዚህ ቦታ ስሙ ይክበር የእኔ ጌታ (፪x)

ቁጥር 2 · Verse 2

እንደጠላት አሳብ ቢሆን ከሆነልኝ አንዱም አይሆን

ታሪክ ቢያብብ ሕይወት ቢያምር ሁሉም ነገር በእርሱ ተዐምር

ከእያንዳንዷ እስትንፋስ ስጦታ ናት የኢየሱስ

ከፈቀደ ይሁን ካለ አይሆንም የሚል ማን አለ (፪x)

ቁጥር 3 · Verse 3

አንተ ጠላቴ ቀናተኛ መቼም ቢሆን አትተኛ

እንደተራበ አንበሳ ዙሪያዬን ብትዞር እያገሳህ

ልትውጠኝ ብትመኘኝ ሲያምርህ ይቅር አታገኘኝ

በስሙ አጥር በደሙ እሳት ከልሎኛል የእኔ አባት (፪x)

ቁጥር 4 · Verse 4

ያንን ዘንዶ እባቡን የወጋኸው ወገቡን

ራስ እራሱን ያስረገጥከኝ ስንቱን ነገር ያስመለጥከኝ

ኢየሱስ የእኔ ጋሻዬ በክፉ ቀን መሸሺያዬ

መቆሚያዬ ነህ አለቴ ላመስግንህ በአንደበቴ (፪x)