ሰምቶ የሚመልስ

ቁጥር 1 · Verse 1

ምድር ለሰው ልጆች ተሰጥታለች አልፋ (፪x)

ሁሉም በየሙያው ይላል ቀና ደፋ (፪x)

ከዚህ ወዲያ አይባል ከዚያ በመለስ (፪x)

ቅዱሱ ይቀደስ እርኩሱም ይርከስ (፪x)

አይቶ ሰምቶ የለየ ነጸነት አለው

እንስበከው እንጂ ጡንቻ አናሳየው

ያሻውን ይከተል ሰው እንደገባው

ሰይፋችን ይመለስ ወደ ሰገባው

ቁጥር 2 · Verse 2

ምድር ተባርካለች በሃይማኖት ብዛት (፪x)

ህመሟ ባሰ እንጂ አንዱም አልፈወሳት (፪x)

ምድር ተባርካለች በሃይማኖት ሃብት (፪x)

እንትንና እንትን እንትን በሚሉት (፪x)

አሁንም ይፈልቃል በየቀበሌው

እናትና አባት አያት የሌለው

አንዱ ካላዳነ አያድንም ሲሉ

ወገኔ ተመለስ ይቅርብህ እልሁ

ቁጥር 3 · Verse 3

በስራ ይገለጥ የያዝነው እምነት (፪x)

ሙታንም ይነሱ ይውጡ አጋንንት (፪x)

ዳንኩኝ ተፈወስኩኝ ብለው ይመስክሩ (፪x)

የሃይማኖት ፋርዳ ይህ ነው ቁም ነገሩ (፪x)

የሚያድን እምነት የሚያደርስ ሠማይ

ከሌለው ሰው አልፎ ሰርቶ አይበላም ወይ

በሰላም እንደር አይረበሽ ሰፈር

ድንበር አትለፉ ተዉ አንደፋፈር

ቁጥር 4 · Verse 4

ደርሶ ስም ለማጥፋት ወሬ አሉባልታ (፪x)

ጭራሽ ይባል ብሎ በአስክሬን ጨዋት (፪x)

ትዳርን አፋቶ ልጅ ከእናት ነጥሎ (፪x)

ከቀዬ ከሰፈር ከማህበር አግልሎ (፪x)

ከገነት ሊገባ እንዲያው መታሰቡ

ቀርጥህን እወቀው አትደርስ ከአጠገቡ

አሳደህ እሰረው ግደልልኝ ያለ

ዲያቢሎስ ነው እንጂ እግዚአብሔር አይደለ

ቁጥር 5 · Verse 5

የእኔ ይበልጣል ቢሉ ምንም ክፋት የለው (፪x)

እኛ ማንስማማው ዛቻ ሲጀመር ነው (፪x)

እግዚአብሔር ትልቅ ነው ለሁሉም ይበቃል

ምስክር ነው እንጂ አያሻው ጠበቃ (፪x)

እናንት የአምላክ ልጆች ከቶ አትታወኩ

ሁሉም በየቋንቋው ይጩህ ወደአምላኩ

የሁሉም ማንነት በተግባር ይታያል

የኤልያስ አምላክ በእሳት ይለያል