ምህረቱ

ቁጥር 1 · Verse 1

ምህረቱ እንደ ደመና (፪x) ከቦኛል

ልዘምር የአምላኬን ምሥጋና (፪x)

የዘወትር ትዝታው ማስታወሻው

እኔን ባየኝ ቁጥር ትዝ የሚለው

የሕይወት እስትንፋስ የሆነልኝ

ከምህረቱ በቀር ምንም የለኝ

ጽድቄ ቅድስናዬ ቤዛነቴም ኢየሱስ ነው

የመዳን ልብሴ መጐናጸፊያዬም እርሱ ነው

ቁጥር 2 · Verse 2

ትልቅ ልግስናው ቸርነቱ

ብቃት ሆኖ ያቆመኝ በፊቱ

የማንነቴ ምንጭ መገኛዬ

ይቅርታው እኮ ነው የጌታዬ

ነፍሱን ሰጥቶ ነፍሴን የተቤዛት ኢየሱስ ነው

በደሙ አጥቦ አዲስ ንፁህ ያደረጋት እርሱ ነው

ቁጥር 3 · Verse 3

የረከሰ ማንነቴን ሽሮ

አደፋውን ታሪኬን ቀይሮ

በወይኑ ግንድ ላይ የተከለኝ

በአደባባዮቹም ያበቀለኝ

አክሊል እንደለበሰ ሙሽራ ያስዋበኝ ኢየሱስ ነው

ሞገስ ደም ግባት ዝርግፍ ጌጥ የሆነኝ እርሱ ነው