መቅበዝበዝ ሳበዛ (አንተን ያገኘሁ ዕለት)
Meqbezbez Sabeza
2012 · ትራክ 6 · አማርኛ
ቁጥር 1 · Verse 1
መቅበዝበዝ ሳበዛ በዓለም ስዋትት
ክብር መስሎኝ ታይቶኝ ውርደት ሳካብት
በበደሌ ብዛት ሞት የሚገባኝን
ፀጋህን አብዝተህ በህይወት ኖርኩኝ
ዛሬ ላንተ ቆሜ ባፌ ዘምራለሁ
ያዳንከውን አዳዳን ገድልህን አወራለሁ
ግነን በዓለማት ስምህ ከፍ ይበል
በእርግጥ ከዚህ በቀር የለም የምከፍልህ
አንተን ያገኘሁ ለት መንገዴ ተቃና
በእጆችህ መራኸኝ በህይወት ጎዳና
ምክርህ ሰው ያደርጋል የአንደበትህ ቃል
ፍቅርህ እንደ ጠል ነው ደረቁን ያፀድቃል (2)
አዝማች · Chorus
ስንከራተት ሳለ በምድረበዳ ላይ
የሚረዳኝ የለም ግራ ቀኜን አላይ
ባልጠበኩት ለታ ከሰማይ ድምፅ መጣ
በእጁ እጄን ያዘኝ ተራራን አወጣኝ
አንተ የኔ እኮ ነህ ልጄ እወድሃለሁ
በእውነት ቃል አስቤህ ለክብር ወልጄሃለሁ
ለዘላለም ፍቅሬ ካንተ አትለይም
አለኝ ለዘለዓለም እኔ አልጥልህም
አንተን ያገኘሁ ለት (አዝ)
ቁጥር 2 · Verse 2
እርጥበት የማያውቅ በድርቅ የደቀቀ
ህይወቴ ነበረ ከአጥንት የደረቀ
ከፍጥረቴ ሳለሁ የበረሃ ወይራ
መጠጊያን አገኘሁ በመልካሙ ስፍራ
ኩሩው ሊያስቀና ምስኪኑን መረጠ
ከውድረደት አንስቶ ለክብር አስቀመጠ
በእርሱ ተተክዬ በመልካሙ ግንድ ስር
ልምላሜን አገኘሁ ለዘላለም ይክበር
አንተን ያገኘሁ ለት (አዝ)
ቁጥር 3 · Verse 3
ጠመዝማዛ ጉዞ ቁልቁለት ሳዘግም
ሞቴን ለማፋጠን ኃጥያትን ስቃርም
በጠላት ድለላ በእርሱ ጦር ታጅቤ
ከፍቅር አባቴ ካንተ ሲሸሽ ልቤ
እንደ ህጻን አርገህ በእርጋታ መከርከኝ
ሳላውቅ እንዳልጠፋ ፍቅርህ ሰበሰበኝ
አንተ ካስጠጋኸኝ የሚከሰኝ ማነው
ነፃ ያወጠኸኝ ከልብህ ወደህ ነው
አንተን ያገኘሁ ለት (አዝ)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ