ቃሉን ከቶ የማያጥፍ

ቁጥር 1 · Verse 1

የኃጢአትን ከተማ ፣ የዲያብሎስን ሥራ

ሲያፈራርሰው አይተናል ያን ምሽግ ያንን ተራራ

ጌታችን ኢየሱስ ተገልጦ ፣ የሕይወታችን ብርሃን

የተስፋ ቃሉን ፈጸመው በሞቱ እኛን በማዳን

ቁጥር 2 · Verse 2

በሰላምና በሕይወት ፣ በበጐ ነገርም ምክር

አበሳችን እንዲወገድ ፣ እሮሮአችንም እንዲቀር

በእኛ ያለውን ነገር ጌታ እግዚአብሔር አይቶ

ቀንበራችንን ሰበረው ለቅሶአችንን እርሱ ሰምቶ

ቁጥር 3 · Verse 3

የሲኦልን ማስፈራራት ፣ የመከራን አውሎ ነፋስ

የኃያላኑን ጭካኔ ፣ የቁጣቸውን እስትንፋስ

የማዕበሉን ሁሉ ጩኸት ፣ የዓመጽንም ዝማሬ

በሥልጣኑ ቃል ገስጾ ዝም አሰኝቶታል ዛሬ

ቁጥር 4 · Verse 4

የመማጸኛ ግንብ ነው ፣ የድሆች ሁሉ መጠጊያ

ምቹ መሸሸጊያ ዓለት የለንም ከኢየሱስ ወዲያ

ብዙዎቹም ይድናሉ ገብተው ከዚህ መጠለያ

ስለሚሆንልን ሁሉ ይክበር ጌታ ፣ ሃሌሉያ!