ስላንተ ቢወራ
Selante Biwera
2005 · ትራክ 6 · አማርኛ
አዝማች · Chorus
ስላንተ ሲወራ ሲነገር ቢዋል ቢታደር
የሚበቃ አይደለም ብዙ ነው ያረከው ነገር
እንዲሁ ብቻ ልበል ተመስገን
ቁጥር 1 · Verse 1
ቃላት አይገልጸውም ያረከውን ነገር (፪x)
ሞቴ በሕይወት ተቀይሮልኛል ኑር ብለህ ፈቅደህልኛል
በምድር በርዝመቷ በስፋቷ በላይ በላይ በከፍታ
እንድወጣ እንድገባ ፈቅደህልኛል
የሚይዘኝ የለም ከፊቴ ወጥተህልኛል (፪x)
አዝማች · Chorus
ስላንተ ሲወራ ሲነገር ቢዋል ቢታደር
የሚበቃ አይደለም ብዙ ነው ያረከው ነገር
እንዲሁ ብቻ ልበል ተመስገን
ቁጥር 2 · Verse 2
ቃላት አይገልጸውም ያረግከውን ነገር (፪x)
አርነት ነፃ ወጥቻለሁ እርሱ ለቅቆኝ ተለቅቄያለሁ
አልሄድ ወደኋላ ወደፊት እራመዳለሁ
እርሱ ከከፈተው አትገባም የሚለኝ ማነው
ሸክሜን ጣለ ቀንበሬን ሰበረ ፣ እዳዬም በርሱ ተከፈለ
አለኝ አልጥልህም አልተውህም ፣ ፍጹም ከእጄ አላወጣህም
መርጬሃለሁ ምንም ነገር አያስፈራህም
አዝማች · Chorus
ስላንተ ሲወራ ሲነገር ቢዋል ቢታደር
የሚበቃ አይደለም ብዙ ነው ያረከው ነገር
እንዲሁ ብቻ ልበል ተመስገን
ቁጥር 3 · Verse 3
ቃላት አይገልጸውም ያረከውን ነገር (፪x)
እየገባኝ መጣ አሁን እየተረዳሁ ፣ ነገሬ ሁሉ ባንተ ሰምሮ እያየሁ
አጋጣሚ አይደለም ለካ ከላይ ታዞ ነው
አርፌ እንድኖር ቀድሞ ስራዬን ሰርቶት ነው
ከተመስገን ሌላ ታዲያ የምለው ምንድነው
ተመስገን (፬x)
የኔ ጌታ ተመስገን
ተመስገን ላረግክልኝ ነገር (፬x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ