በሞቱ አዳነኝ
Bemotu Adanegn
2005 · ትራክ 2 · አማርኛ
ቁጥር 1 · Verse 1
እውነቱ አዳነኝ እውነት ነው
ፈልጐ አገኘኝ ፍቅር ነው
አደራረጉ ልዩ ነው
ከምንገምተው በላይ ነው (፪x)
ቁጥር 2 · Verse 2
እኔ ልናገር ተደርጐልኛል
ቀንበሬም በርሱ ተሰብሮልኛል
አርነት ወጣሁ ነፃ አውጥቶኛል
ከዚያች ሩጫ እኔን ፈቶኛል
የተፈታ ሰው የተለቀቀ
መውጣት መግባቱ የተጠበቀ
አዝማች · Chorus
ያመሰግናል ያመሰግናል ጊዜው ሁኔታ መች ያስቆመዋል
ያመሰግናል ያመሰግናል ማግኘት ማጣቱ መች ያስቆመዋል
ቁጥር 3 · Verse 3
ያኔ በልጅነት ገና መጀመሪያ
ጌታ ተናገረኝ በኔ እንደሚሰራ
የተናገረው ቃል ጊዜውን ጠብቆ
ሲፈጸም በዓይኔ አየሁ ጌታ አይረሳም እኮ (፪x)
አዝማች · Chorus
አንድ የገባኝ ነገር የተረዳሁት
እንደማይረሳ ነው በዘመኔ ያየሁት
አንድ የገባኝ ነገር የተረዳሁት
እንደማይጥል ነው በዘመኔ ያየሁት
አንድ የገባኝ ነገር የተረዳሁት
ረዳት መሆኑን ነው በዘመኔ ያየሁት
አንድ የገባኝ ነገር የተረዳሁት
ትልቅነቱን ነው በዘመኔ ያየሁት
አዝማች · Chorus
ብለው አይበቃኝ ረዳት ፣ ብለው አይበቃኝ አባት
ብለው አይበቃኝ ፈዋሽ ፣ ብለው አይበቃኝ ፍቅር
ብለው አይበቃኝ ልዩ ነው ፣ ብለው አይበቃኝ ልዩ ነው
እርሱ ከሁሉም በላይ ነው
እርሱ ከሁሉም በላይ ነው
እርሱ የጌቶች ጌታ ነው
እርሱ የአማልክት አምላክ ነው (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ