በደልን ይቅር የሚል
Bedelen Yeqer Yemil
ትራክ 14 · 2:49 · አማርኛ
ቁጥር 1 · Verse 1
በደልን ይቅር የሚል አመጻን የሚያሳልፍ
ከጥፋት ሊያድናቸው በሕዝቡ ላይ የሚሰፍፍ
እንዳንተ ያለ አምላክ ማነው ምህረቱ የበዛ?
ቅዱሳንህ ሲሰደዱ መከራውም ሲበዛ
አዝማች · Chorus
ርስትህን ለማላገጫ አሳልፈህ አትስጥ
የተቀደሰ መቅደስህን በጠላት አታስረግጥ
ቁጥር 2 · Verse 2
የእግዚአብሔር ዕድል ፈንታ ተፅፏል ህዝቡ ነው !
ሊያመልከው ሊያገለግለው ከግብጽ አገር ያፈለሰው
አርነቱን በባርነት ሊተካ የሚከጅለው
"ይገባኛል " የሚል ማነው ? ሕዝቡ የእግዚአብሔር ነው!
አዝማች · Chorus
ርስትህን ለማላገጫ አሳልፈህ አትስጥ
የተቀደሰ መቅደስህን በጠላት አታስረግጥ
ቁጥር 3 · Verse 3
እስከዛሬ ከብረሃል በአህዛብ ተፈርተሃል
የጠላትን እርግማን በረከት አድርገሃል
የአሳዳጁን ፈረሶች በባሕር አስጥመሃል
በክንድህ ተከላክለህ ርስትህን ጠብቀሃል
አዝማች · Chorus
ርስትህን ለማላገጫ አሳልፈህ አትስጥ
የተቀደሰ መቅደስህን በጠላት አታስረግጥ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ