ኢየሱስ ነው ምርጫዬ

ቁጥር 1 · Verse 1

እናት ልጇን በጣር ትወልዳለች

ወልዳ ጡት አጥብታ ታሳድጋለች

በነፍሷ ላይ ድንገት ችግር ሲመጣ

ወንዝ ውስጥ ጣለችው ሙሴን አውጥታ

ግን አምላኩ እግዚአብሔር ሰበሰበው

በንጉሡ ቤት በተዓምር አሳደገው [1]

ለሞት የተሰጠውን አነሳና

በህዝቡ ላይ ሾመው ፀጋ አበዛና [2]

ቁጥር 2 · Verse 2

አጋር በምድረ በዳ ተሰደደች

አባት በልጁ ሲጨክን አየች

ውኃም አለቀ ምንዎን ታጠጣው

ጨነቃትና እራቀች ጥላው

ግን እግዚአብሔር ፈጥኖ መጣላት

ውሃውን አየች ዓይኗን ከፍቶላት

የሚያያትንም አየችውና

ቤቷ መለሳት ተስፋ ሰጣትና [3]

ቁጥር 3 · Verse 3

ወንድምንም አየሁት ጉድጓድ ሲጥል

ለባርነትም ሲሸጥ ለባዕድ ወገን [4]

ጌታ ግን ከግዞት አወጣውና

በረከት ሆነ ዮሴፍ ነገሠና [5]

ከሞተ አራት ቀን ሆኖታል

አለችው እህቱ አሁንስ ሸቶአል

የኢየሱሴ ፍቅር መቸ ያሸተዋል

አላዛርን በድንቅ ከሞት ያስነሳዋል [6]

ቁጥር 4 · Verse 4

እዮብ በቁስል እጅግ ተመቶ

ሚስቱ እንኳን ጠልታው የሚቀርበው አጥቶ

ክደህ ሙት ብላ ስታስቸግረው

በሸክሙ ላይ ቀንበር ስትጭነው [7]

አምላኩ እግዚአብሔር ከተፍ አለለት

ምርኮውን በእጥፍ በእጥፍ መለሰለት [8]

ሁሉንም በተራው አየሁት ቃኘሁት

ግን ኢየሱሴን በልጦ አገኘሁት