ከመወለዴ ጀምሮ

ቁጥር 1 · Verse 1

ከመወለዴ ጀምሮ የማውቀው መልካም አንድ ነው

ከልጅነቴ ጀምሮ የማውቀው መልካም አንድ ነው

ቁጥር 2 · Verse 2

እርሱም አንተን ነው (፫x)

ጌታ መልካም ነው

ቁጥር 3 · Verse 3

አምላኬ አምላኬ እንዳንተ ያለ ማነው (፪x)

ቁጥር 4 · Verse 4

ኢየሱስ ሥልጣንህ ገደብ የለው

ኢየሱስ መንግሥትህ ፍጻሜ የለው

በዙፋንህ ፀንተህ ጥንትም ነበርክ

ዛሬም በክብር አለህ

ለዘለዓለም ደግሞ በሥልጣንህ

ገና ትኖራለህ

ከሁሉም በላይ ነህ የኔ ጌታ፣

ሁሉን ትገዛለህ

የሚወዳደርህ አቻ የለህ፣

አንተ እጅግ ታላቅ ነህ

ቁጥር 5 · Verse 5

ሀይልህ አያረጅም ክንድህ አይደክምም መች ትታክታለህ

የትላንቱ እግዚአብሔር አልተለወጥክ ዛሬም እግዚአብሔር ነህ

ጥንት የሰራኸውን አምላኬ ሆይ ዛሬም ሰርተኸዋል

በሀይለኛው ክንድህ አሸንፈህ ጠላቴን ረግጠሀል

ቁጥር 6 · Verse 6

ሰምቼ ነበረ በጆሮዬ :ጌታ ማዳንህን

ለብዙዎች ጥላ የማምለጫ አለት መሆንህን

በእውነትም አዳኝ ነህ መድሃኒቴ እኔም አይቻለሁ

ከዚህ ከጨለማ ከሞት መንደር በአንተ አምልጫለሁ

ቁጥር 7 · Verse 7

ጌታ እንዳንተ መልካም፣ ጆሮዬም አልሰማም፣

ጌታ እንዳንተ መልካም፣ አይኖቼም አላዩም፣

ጌታ እንዳንተ መልካም፣ ከቶ አልገጠመኝም፣

ለዘላለም ክበር፣ ከፍ በልልኝ(፪x)

ቁጥር 8 · Verse 8

እንዳንተ የሚሆን ለኔ የለም፣

አንተ ልዩ ከሁሉ ከላይ ነህ፣

አልፋና ኦሜጋ የኔ ጌታ፣

ዘላለም በክብር ምትበረታ

አልፋና ኦሜጋ አቻ የለህ

ዘላለም በክብር ትኖራለህ

ቁጥር 9 · Verse 9

ከመወለዴ ጀምሮ ….