ምክር

ቁጥር 1 · Verse 1

ከጉብዝናህ ሚስትህ ጋር ደስ ይበልህ አዎ ደስ ይበልህ

ውደዳት አፍቅራት እርሷን እንደራስህ

እህትህም ሚስትህም ባልንጀራህም ነች

እረዳትህ ሆና ለአንተ የተሰጠች (፪x)

በረከት ካገኘ ሚስትን ያገኘ ሰው

ከእግዚአብሔርም ዘንድ ሞገስ ከተሰጠ

እያመሰገነ ስለዚህ ስጦታ

ቤቱን በጽድቅ ይምራ ይንከባከባታል (፪x)

ቁጥር 2 · Verse 2

አስተዋይ ሚስት ግን ከእግዚአብሔር ዘንድ ናት

በእግዚአብሔር ቃል ላይ እንደተባለላት

ለጌታ ለኢየሱስ እንደምትገዢ

ለባልሽም ደግሞ እንዲሁ ተገዢ (፪x)

ልባም ሴት ለባሏ ዘውድ እንደምትሆነው

ክብሩ የት እንዳለ ቃሉ ካጸደቀው

ማፈሪያህ እንዳይሆን አንቺም እንዲህ ሁኚ

ግን ልባምነትን ከቃሉ አግኚ (፪x)

ቁጥር 3 · Verse 3

የብልህ ቤት ይሁን ክርስቶስ ራስ ሆኖ

ዐይንም በእርሱ አድርጐ በስሙ ተማምኖ

መንገዱን ዝለቁት የኑሮን ጐዳና

ግልጽ ሁኑ ሁሉን ነገር ተከባበሩና (፪x)

ዕውቀትን እንደዘውድ በላያቹህ ጫኑ

ጥበብን እንዳትዉ ሞኞች እንዳትሆኑ

በፍቅር ለጸና ለተቻቻለ ሰው

ጋብቻ ክቡር ነው መኝታው ንጹህ ነው (፪x)

ቁጥር 4 · Verse 4

እግዚአብሔር አለ (፬x) ፤ እግዚአብሔር አለ (፬x)

እግዚአብሔር አለ (፬x) ፤ እግዚአብሔር አለ (፬x)

እግዚአብሔር አለ (፬x) ፤ እግዚአብሔር አለ (፬x)

እግዚአብሔር አለ (፬x)