ኦ እኔ ማነኝ
O Enie Manegn
2003 · ትራክ 1 · 6:51 · አማርኛ
አዝማች · Chorus
ኦ እኔ ማነኝ
ቁጥር 1 · Verse 1
ቤቴስ : ምንድነው (፪x)
የሰማዩን ዜማ ዝማሬ
የፅድቅን ቅኔ አውቄ ተምሬ
እንድኖር ልብህ የፈቀደው
አምላክ ሆይ እኔ ማነኝ
ቤቴስ ምንድነው (፪x)
አውቃለሁ የእኔ ማንነቴን
የትውልድ ሐረግና ቤቴን
ለዚህ ልታበቃኝ የቻልከው
ካንተ የተነሳ ብቻ ነው
ይገርመኛል እስካሁን ድረስ
በቤትህ ቆሜ ስመላለስ
የተከልከኝ በቅዱስ ቃልህ
ስራህ ይደንቀኛል ምህረትህ
አዝማች · Chorus
ኦ እኔ ማነኝ
ቁጥር 2 · Verse 2
ቤቴስ ምንድነው
የሰማዩን ዜማ ዝማሬ
የፅድቅን ቅኔ አውቄ ተምሬ
እንድኖር ልብህ የፈቀደው
ጌታ ሆይ እኔ ማነኝ
ቤቴስ ምንድነው (፪x)
ቅኔ ውሃ አይደል በነፃ
የሚቀዳ አይደለም ከጓዳ
የሚፈልቅ እንጂ ከሆዴ ውስጥ
የማይደርቅ አረከው እንደ ምንጭ
ሰው ፊት ዘመርኩ እንጂ ላንተ ነው
ምስጋና አምልኮ የማቀርበው
የምትቀበለኝ አንተ ነህ
ምርጫህ ተስማምቶኛል የእኔ ነህ
አዝማች · Chorus
ኦ ጌታ ሆይ አመልክሃለሁ
ከመረጥከኝ ዘምሪ ብለህ
ቁጥር 3 · Verse 3
ልትሰማው ድምፄን ከፈለክ
ምስጋና አምልኮዬን ከወደድክ
በእውነት እና: በመንፈስ ሆኜ
ላምልክህ ላክብርህ ቆሜ ውዱ ጌታዬ (፪x)
መለወጤን ሲያዩ በዓይናቸው
የቀደሞው እየታወሳቸው
ሁለት የሆንኩኝ መሰላቸው
የውስጤንስ ማን ባሳያቸው
የተከልከኝን እኔ አውቃለሁ
በፍቅርህ ገመድ ታስሬአለሁ
አልቆልኛል ከእንግዲህ በቃ
የፊት ነው እርምጃዬ ከአንተ ጋ
አዝማች · Chorus
ኦ ጌታ ሆይ አመልክሃለሁ
ከመረጥከኝ ዘምሪ ብለህ
ቁጥር 4 · Verse 4
ልትሰማው ድምፄን ከፈለግክ
ምስጋና አምልኮዬን ከወደድክ
በእውነትና መንፈስ ላምልክህ ቆሜ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ