የለወጠኝን

እስኪ አክብሩልኝ የለወጠኝን (፪x)

አዲስ ስም ሰጥቶ የቀየረኝን (፪x)

ከማይጠፋው ዘር የወለደኝን (፪x)

ለቤቱ አገልጋይ ያደረገኝን (፪x)

እኔም ላክብረው ባለው ዘመኔ

ላዳነኝ ለርሱ ለዚህ መድህኔ

ብዘምርለት ሁሌ ብናገር

አይበዛበትም ላረገው ነገር

ስንቱን አውርቼ የቱን ልተው ውለታው በዝቷል (፪x)

የማዳኑን ክንድ በእኔ ለፍጥረት ገልጧል (፪x)

የእኔን መለወጥ ያየ ይበል አይበቃም (፪x)

ገና እጁ አላጠረም ያድናል ሌላም (፪x)

ክሩ በመርፌ የገባለት ሰው (፪x)

የዓይኑም እምባ ፈሶ የታበሰው (፪x)

በሩጫ ሜዳ መስመር ከያዘ (፪x)

ደካማው ሲወድቅ ብርቱው ካገዘ (፪x)

በመከናወን ማን ቅር ይሰኛል

አእምሮ ከሌለው ግን ቅር ይለዋል

ማሰብ የሚችል አእምሮው ጤነኛ

መከናወንን ይወዳልና

ታዲያ ምነው ቅር አላችሁ ስይዝ መስመሩን (፪x)

መከናወን ሲሆንልኝ ሲያወርሰኝ ክብሩን (፪x)

ከዚያ ካስጨናቂው አለም ሳመልጥ በርሬ (፪x)

ተከትሎኝ መምጣት እንጂ አይጠቅምም ወሬ (፪x)

ዕድሜዬን ሲጨምር ዓመት ሲበዛ (፪x)

ሲያሸጋግረኝ መስሎኝ የዋዛ (፪x)

ስቀልድባት በሕይወቴ ላይ (፪x)

መቼ አስቻለው ሲያየኝ ከሰማይ (፪x)

ለካ አስቀድሞ አስቦኝ ኖሯል

የመለወጤ ጊዜያቱ ደርሷል

እርሱ የመደበው ሰዓቱ አያልፍ

ጌታ ኢየሱሴን አግኝቼው ሳላርፍ

እኔም አላለፍኩ ከቀኑ ተማረኩለት (፪x)

የርሱ ፍቅር አይሎ እንጂ ምን አረግኩለት (፪x)

ምን አይቶብኝ ነው እንዳልል ራሱን አይቶ ነው (፪x)

ለውጦ ከቀያየረኝ ከልካዩስ ማነው (፪x)