ኦ ፍቅሩ

ቁጥር 1 · Verse 1

የድሃ አደግ ወዳጅ የምስኪን ጓደኛ

ማን እንደ ኢየሱሴ ታማኝ ሚስጥረኛ

መድኃኒቴ እርሱ ነው ሁሌ አመልከዋለሁ

ምሥጋናም ክብርም ዝማሬም ለእርሱ ነው (፮x)

ቁጥር 2 · Verse 2

ኃጥያተኛ ብሎ ሁሉም ተፀይፏት

ያለርህራሄ በድንጋይ ሊወግሯት

እንዳትሞት የሚፈልግ ተገኘ የሚወዳት

ጥበብን ተናግሮ ከጨካኙ አዳናት

አትሞቺም አላት(፭x)

ቁጥር 3 · Verse 3

የአንዲቷ ነፍስ ጌታን በጣም ግድ ብሎት

በሰማሪያ መንገድ አለፈ ሊያድናት

የነፍሷን ጥያቄ የውስጧን ፈታላት

የሕይወትን ውኃ አፍለቀለቀላት

አትጠሚም አላት(፭x)

ቁጥር 4 · Verse 4

አቤቱ ጌታዬ ሁሌ አከብርሃለሁ

ፍቅርህን እያሰብኩ እገዛልሃለሁ

ምሥጋና ይገባሃል ንገሥ ለዘለዓለም

በሰማይ በምድር ኧረ እንዳንተ የለም (፮x)