ፈገግታ
Smile
2005 · ትራክ 5 · 5:36 · አማርኛ
ቁጥር 1 · Verse 1
የትም ባክኜ እንዳልጠፋ እንደሌላቸው ተስፋ
አምላኬ ጐዳናዬን መንገዴን አሰፋ
ደረቁን ምድረ በዳ በውሃ እንዲረካ
በምንጩ ደስ አሰኘኝ ጨለማዬ ፈካ
የመርገም ጨርቄን ቀደደዉ መተላለፌን አራቀዉ
እግሬን አጸና በከፍታ ወዶ አዳነኝ የኔ ጌታ
በተከበበች ከተማ አጽናኝ ድምጽ እያሰማ
በአስደናቂ ምሕረቱ አኖረኝ በቤቱ
ሲጠብቀኝ መች ሰንፎ አቤት ስንቱን አሳልፎ
ከቶ አለ ለታምራቱ ከልቤ ተጽፎ
አዝማች · Chorus
በባዕድ ምድር ጓደኛዬ (ጓደኛዬ)
ሳዝን መጽናኛዬ (መጽናኛዬ)
ታሪኬን ሞላው በመዝገቡ
ከፍ ይበልልኝ ታላቅ ስሙ
አፌን ሞላው በሳቅ ዝማሬ ተረጋጋ ዙሪያ ሰፈሬ
ስለ ሥሙ ያደረገው ምስጋናው እጅግ ብዙ ነው (፪x)
ቁጥር 2 · Verse 2
ጌታ ፊት አይቶ አያዳላ አምላኬ የምስኪን ጥላ
ተማምነው ለጠበቁት ይደርሳል ሲጠሩት
እኔም እርሱን ታምኜ በእድሜ በሕይወት ዘመኔ
አልቀረሁም በከንቱ አለሁኝ በቤቱ
አባ አባት ብዬ ተጣርቼ (ሥሙን ጠርቼ)
በእምባ በጸሎት ደጅ ጠንቼ
ምልጃዬን ሰምቶ (ምልጃዬን ሰምቶ) አልጨከነም
(ምሕረቱን ከእኔ) ምሕረቱን ከእኔ አላራቀም
አዝማች · Chorus
አፌን ሞላው በሳቅ ዝማሬ ተረጋጋ ዙሪያ ሰፈሬ
ስለ ሥሙ ያደረገው ምስጋናው እጅግ ብዙ ነው (፯x)
ምስጋናው እጅግ ብዙ ነው (፫x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ