የማይደክም የማያረጅ
Yemaydekm Yemayareg
2011 · አማርኛ
አዝማች · Chorus
የማይደክም የማያረጅ ግሩም አምላክ ፍፁም ወዳጅ
ማይሸነፍ የማይረታ እርሱ ብቻውን ሁሌ ጌታ (፪x)
ቁጥር 1 · Verse 1
በሌሊቱ በአራተኛው ክፍል
በሌሊቱ እጅግ በከበደው
በሌሊቱ ታንኳዬም ሲጨነቅ
በሌሊቱ ማዕበሉ ሲገፋው
በሌሊቱ ድንገት ከተፍ አለ
በሌሊቱ ተገለጠ ጌታ
በሌሊቱ የሚያንገላታኝን
በሌሊቱ ሊገስጽ ሊመታ
የእኔ ጌታ አሃሃሃሃ የእኔ ተስፋ
የእኔ ክብር ኢየሱስ የእኔ አለኝታ (፪x)
ቁጥር 2 · Verse 2
አትፍሪ እኔ ነኝ እያለ የሚያበረታኝን
እንደጌታዬ እንደኢየሱስ ከወዴት ላግኝ
በለመለመው መስክ ሚመራኝ በእረፍት ውኃ ዘንድ
አላገኝም በየትም ስፍራ እኔን የሚወድ
ይህ ነው አይባልም ብርታቱ
ሊያድን ፈጥኖ ደራሽነቱን
ጠበቃዬ ነው በጽድቅ ፍርዱ
እውነት ነው እርምጃው መንገዱ
ሁሉን ቻይ ክንዱን ዘርግቶ
አቁሞኛል ከታች አንስቶ
የማዳኑን ብርታት ኃይሉን
ዘምራለሁ በሌት በቀን
አዝማች · Chorus
የማይደክም የማያረጅ ግሩም አምላክ ፍፁም ወዳጅ
ማይሸነፍ የማይረታ እርሱ ብቻውን ሁሌ ጌታ (፪x)
ቁጥር 3 · Verse 3
ብሏልና እናንተ ደካሞች
ኑ ወደ እኔ ከነ ሸክማችሁ
ስጡኝና የከበዳችሁን
እፎይ በሉ እስቲ ላሳርፋችሁ
እንደቃሉ የሚያስጨንቀኝን
ስተውለት ስሰጠው ነገሬን
የማላውቀው ሰላም ወረደብኝ
እፎይ አልኩኝ ረሳሁት ችግሬን
የእኔ ጌታ አሃሃሃሃ የእኔ ተስፋ
የእኔ ክብር ኢየሱስ የእኔ አለኝታ (፪x)
ቁጥር 4 · Verse 4
አትፍሪ እኔ ነኝ እያለ የሚያበረታኝን
እንደጌታዬ እንደኢየሱስ ከወዴት ላግኝ
በለመለመው መስክ ሚመራኝ በእረፍት ውኃ ዘንድ
አላገኝም በየትም ስፍራ እኔን የሚወድ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ