የሚረዳኝ
Yemiredagn
2012 · ትራክ 10 · አማርኛ
ቁጥር 1 · Verse 1
ፀሐይ አሽቆልቁላ በምዕራብ ስትጠልቅ
ለምሽት ተረኛ ለጨረቃ ስትለቅ
ጐኔን ላሳርፈው ከቀኑ ድካሜ
ስተኛ እንቅልፌ ሲያደርሰኝ ከህልሜ
ህልሜ ቅዥእት ሆኖ ጨለማው በርትቶ
እጥፍ ሲሆን ሌቱ ሲረዝም ምሽቱ
አቤቱ ወደአንተ ድምጼን አሰማለሁ
ፈጥነህ እንደትመጣ እለምንሃለሁ
አዝማች · Chorus
የሚረዳኝ የለምና ከጐኔ አትራቅ
የሚያግዘኝ የለምና ከጐኔ አትራቅ
ቁጥር 2 · Verse 2
ፀጥ ረጭ ባለው ሰዓት
ኮቴ በሌለበት ሁሉ ቤቱ ከቶት እፎይ በሚልበት
ሃሳቤን ሚጋራ ጆሮ የሚሰጠኝ
ሲጠፋ ከጐኔ ጭንቄን ሚካፈለኝ
የሕይወቴ ብርሃን በጽልመት ሲሞላ
የልቤ ትርታ በሃይል ሲመታ
አቤቱ ወደአንተ ድምጼን አሰማለሁ
ፈጥነህ እንድትመጣ እለምንሃለሁ
አዝማች · Chorus
የሚረዳኝ የለምና ከጐኔ አትራቅ
የሚያግዘኝ የለምና ከጐኔ አትራቅ
ቁጥር 3 · Verse 3
ድንጋይ ተንተርሶ ያንቀላፋው ያዕቆብ
መልካም ራዕይ አይቶ ተስፋው ሁሉ ሲያብብ
የቀድሞው ታሪኩን ሥሙን ለውጠኀው
የብዙዎች አባት እስራኤል ነህ አልከው
ጭኑ የተነካ እግሩ የሚያነክስ
ሁለት ሰራዊት ነው ነግቶለት ሲመለስ
ልታድነኝ ብትወድ ፈጥነህ ጐህ ሳይቀድ
ሊነጋ አያቅላላ ወደ እኔ ሳትመጣ
ቁጥር 4 · Verse 4
የሚረዳኝ የለምና ከጐኔ አትራቅ (ከጐኔ)
ቁጥር 5 · Verse 5
የሚያግዘኝ የለምና ከጐኔ አትራቅ (፪x)
አትራቅ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ