ሰማዩ ነገረኝ
Semayu Negeregn
2012 · ትራክ 3 · አማርኛ
አዝማች · Chorus
የእግዚአብሔርን መኖር ሠማዩ ነገረኝ ምድሩ አወራኝ
ቀኑ ምሽት ሲሆን ሌሊቱ ሲነጋ አረጋገጠልኝ
ያለ የነበረ ደግሞም የሚኖረው ዘለዓለም በክብሩ
ፍጥረታት በሙሉ ስለህልውናው ይመሰክራሉ (፪x)
ቁጥር 1 · Verse 1
ለሚመረመር ለባዕድ አእምሮ የእግዚአብሔር ነገር
በከንቱ መድከም መሆን ተላላ እጅግ መሞኘት
ሳይዩ የሚያምኑ ብጹአን ሆኑ
በስሙ አምነው በቤቱ ጸኑ
መዳን አገኙ ከሞት ተረፉ
ከዚህ ዓለም ይልቅ ብዙ አተረፉ
ለእኛ ለደካሞች ይሄ እውነት በራ ለእኛ ለምስኪኖች
ለእኛ ለደካሞች ይሄ እውነት ታየ ለእኛ ለምስኪኖች
አዝማች · Chorus
የእግዚአብሔርን መኖር ሠማዩ ነገረኝ ምድሩ አወራኝ
ቀኑ ምሽት ሲሆን ሌሊቱ ሲነጋ አረጋገጠልኝ
ያለ የነበረ ደግሞም የሚኖረው ዘለዓለም በክብሩ
ፍጥረታት በሙሉ ስለህልውናው ይመሰክራሉ (፪x)
ቁጥር 2 · Verse 2
ያወቀ ሊመስል ጠቢብ የሆነ እጅግ የላቀ
ሰነፍ መሆኑን ከሰው ሊደብቅ ልቡ እያወቀ
ምኞቱን ሊያደርግ አምላኩን ክዶ
ከህሊና ሙግት ሊያመልጥ ፈልጐ
ድፍረት ቢሞላው በውስጡ ክፉ
ከንቱ ሃሳቡን አወራ አፉ
ሞኞችና ድሆች እግዚአብሔር (፪x) ኧረ እንደው ይላሉ
ብሎ ደመደመ ተስፋ ቢሶች ናቸው ጥበብን ስላጡ (፪x)
ነፍሱ ጌታን ብትፈልገው እራሱን አምላክ አደረገው
የእግዚአብሔር ፍጥረታት አካላቱ
በድፍረት ነው ግን ክህደቱ
የወንዙ የተራራው የባሕር የውቅያኖስ
ፈጣሪውን ያሳያል የፍጥረት ግርማ ሞገስ
አለ ይላል እግዚአብሔር አሃ
አለ ይላሉ እግዚአብሔር
አለ ጌታ እግዚአብሔር ኦሆ
አለ ጌታ እግዚአብሔር
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ