ደግ ነህ
Deg Neh
2008 · 7:02 · አማርኛ
ቁጥር 1 · Verse 1
እንዲህ ያለ መውደድ ከቃላት ያለፈ
ስለጠላቶቹ ነፍሱን ያሳለፈ
ፍጥረት በሙሉ ተደንቆ ዋለ
ፍቅር እንዳንተ የለም እያለ
ፀሐይም አለች ብርሃን ለምኔ
መስቀል ላይ ሲውል ደጉ መድህኔ
አዝማች · Chorus
ባህሪህ ባህሪህ ቢደንቃቸው ደግ ነህ አሉህ
ባህሪህ ባህሪህ ቢያስገርመኝ ደግ ነህ አልኩህ
ቁጥር 2 · Verse 2
ወደ ሙት ሲነዳ (ደግ ነህ)
የአዳም ዘር በሙሉ (ደግ ነህ)
ሞቱን ሞተህለት (ደግ ነህ)
ደርሰህ ካለህ ሁሉ (ደግ ነህ)
ነፍስን እስከመስጠት (ደግ ነህ)
ፍቅርህ ተፈትኖ (ደግ ነህ)
ከፍርድ አመለጠ (ደግ ነህ)
ሁሉ በአንተ ሆኖ (ደግ ነህ)
አዝማች · Chorus
ባህሪህ ባህሪህ ቢደንቃቸው ደግ ነህ አሉህ
ባህሪህ ባህሪህ ቢያስገርመኝ ደግ ነህ አልኩህ
ቁጥር 3 · Verse 3
ለፃድቅ የሚሞት በጭንቅ ከተገኘ
አጥቶ ተስፋ ቆርጦ መኖር ባልተመኘ
ግን ተገለጠ ፍቅር ለሁሉ
አመለጡብህ ጌታን እያሉ
ለየት ያለ ነው ያንተስ ፍቅር
መሰከሩልህ ሰማይ ምድር
አዝማች · Chorus
ባህሪህ ባህሪህ ቢደንቃቸው ደግ ነህ አሉህ
ባህሪህ ባህሪህ ቢያስገርመኝ ደግ ነህ አልኩህ
ቁጥር 4 · Verse 4
አቅም አጥተህ አይደል ተሸንፈህ
በጨካኞች ጡንቻ ላይ መውደቅህ
እንደሚታረድ በግ እየነዱ
በመስቀል ሊገሉህ ወደዱ (፪x)
አዝማች · Chorus
ባህሪህ ባህሪህ ቢደንቃቸው ደግ ነህ አሉህ
ባህሪህ ባህሪህ ቢያስገርመኝ ደግ ነህ አልኩህ
ቁጥር 5 · Verse 5
አወይ አጨካከን ጠፍቶ የሚራራ
እያወካከቡ ነዱት በተራራ
አፉ አልተከፈተ ክፉ አልተናገረ
ጭራሽ ለሚጠሉት ይማልድ ጀመረ
ወዶ አለም ቢያወድሰው
በእርግጥ ስለሚገባው ነው
ለእኛ ብሎ ታርዷል እና
ለእርሱ ይገባል ምስጋና (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ