ሰው ከንቱ
Sew Kentu
2008 · 5:28 · አማርኛ
ቁጥር 1 · Verse 1
ባጎረሰ የተነከሰ በቤቱ አለ ስንቱ እያለቀሰ
ለክፉ ቀን ነበረ ወዳጁ ግን ተገኘ ሲሸምት እደጁ
ከገበታው ላይ የበላ ተረከዙን ደግሞ ቢያነሳ
ለትምህርት ተፅፏል በቃሉ ገሮች ሆይ ይህንን ልብ በሉ
ሳዖል አስተካክሎ ስል ጦሩን ወረወረ ሊገል ዳዊትን
አምላክ አተረፈው ገብቶ ጣልቃ የወንድምም ክፉ አለ ለካ
አዝማች · Chorus
ይቅር አይወራ ክፉም አትናገር
ልመድልኝ ልቤ ሁሉን ችሎ ማደር
ጉድጓዱን የሚምስ ራሱ ሊወድቅበት
ግዜ እስኪያስተምረው አንተ አትፍረድበት
ይሁን አይወራ ክፉን አትናገር
ልቤ አስተውል ልቤ ሁሉን ችሎ ማደር
ጉድጓዱን የሚምስ ራሱ ሊወድቅበት
ግዜ አለው ለሁሉ ተው አትፍረድበት
ቁጥር 2 · Verse 2
ሰው ከንቱ/3 መሆኑን ተረዳው ሰው ከንቱ
ሰው ከንቱ/3 መሆኑን ገብቶኛል ሰው ከንቱ
ቢጠበብ ከንቱ ከንቱ ከንቱ
ቢያስተውል ከንቱ ከንቱ ከንቱ
ጌታ ካልረዳው ከንቱ ከንቱ
ልቡን ካልያዘው ከንቱ ከንቱ
መሰዋቱን ጌታ ችላ ቢለው ተቆጥቶ ወንድሙን ገደለው
ያድርግ እንጂ እርሱ እንደወደደ አንዱን ትቶ አንዱን ከመወደደ
ወንድምህን ወዴት አረከው እንዳላየ ሆኖ ቢጠይቀው
አይደለሁም የሱ ጠባቂ ብሎ መለሰ ያ አላዋቂ
ደሙ ጮክ ብሎ አወራ ያለበደል ምነው ግፍ ተሰራ
ተንከራታች ሆነ በምድር ላይ እግዚአብሔር አይቷል ሰው ባያይ
አዝማች · Chorus
ሰው ከንቱ/3 መሆኑን ተረዳው ሰው ከንቱ
ሰው ከንቱ/3 መሆኑን ገብቶኛል ሰው ከንቱ
ቢያገኝም ከንቱ ከንቱ ከንቱ
ባያገኝ ከንቱ ከንቱ ከንቱ
ጌታ ካልረዳው ከንቱ ከንቱ
ልቡን ካልያዘው ከንቱ ከንቱ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ