እኔም አምነዋለሁ

ቁጥር 1 · Verse 1

ፍፁም የማይገባ የማይመስል ነገር

እንደምን ይሆናል የተባለ ቢሆን

የአብርሃም አምላክ በቃሉ የታመነ

እውን ያደርገዋል ተስፋ ከእርሱ ካለ

ስለዚህ አምላኬን እጠብቃለሁኝ

እርሱ ያየልኝን እኔም እስካየው (፪x)

ቁጥር 2 · Verse 2

ቀናቶች ቢረዝሙ ችግሩም ቢበዛ

እምነቴም ቢፈተን ጠላትም ቢነሳ

ቃል ተናግሯልና ይሆናል አይቀርም

ጌታዬ ሲከፍተው ማንም አይዘጋውም

ስለዚህ አምላኬን እጠብቃለሁኝ

እርሱ ያየልኝን እኔም እስካየው (፪x)

ቁጥር 3 · Verse 3

ዓይኖቹ ያዩኛል ጆሮውም ይሰማኛል

የልቤን ጥያቄ ጌታዬ ያውቀዋል

መልስ እስከሚመጣ እስከሚጐበኘኝ

አፅንቶ የሚያቆም የተስፋ ቃል አለኝ

ስለዚህ አምላኬን እጠብቃለሁኝ

እርሱ ያየልኝን እኔም እስካየው (፪x)