እየዋለ እያደር
Eyewale Eyader
2000 · ትራክ 1 · አማርኛ
አዝማች · Chorus
ሁሉን አድርገህልኛል የቀረብኝም የለም
ሌላ ምልህ ባይኖረኝ እወድሃለሁ እኔም
ሌላ ምልህ ባይኖረኝ እወድሃለሁ እኔም (፪x)
ቁጥር 1 · Verse 1
የሰማይን ፀጋ የምድርን በረከት
በሌላ እኮ አይደለም ባንተ ነው ያገኘሁት
ጽድቅና ሰላምን የመንፈስን ደስታ
አጎናጽፈኅኛል የሰራዊት ጌታ (፪x)
አዝማች · Chorus
ሁሉን አድርገህልኛል የቀረብኝም የለም
ሌላ ምልህ ባይኖረኝ እወድሃለሁ እኔም
ሌላ ምልህ ባይኖረኝ እወድሃለሁ እኔም (፪x)
ቁጥር 2 · Verse 2
ምን ያጠያይቃል መልካምነትህ
ለኔስ ጌታ ኢየሱስ በረከቴ ነህ
መወደድ ስይንስህ ነው መች ይበዛብሃል
እንኳን እኔነቴ ዘሬ የገዛልሃል
እየዋለ እያደር ታምራትህ በዛ
የነገስታት ንጉስ የጌቶቹ ጌታ (፪x)
ምን እንልሃለን ማዳንህን እያየን
በምስጋና በላይ ምስጋናን እንሰዋለን
ምን እንልሃለን ምሕረትህን እያየን
በክብርም በላይ ክብርን እንሰጣለን
መልካምን ማድረግ ማይታክትህ
አቤት እግዚአብሔር ቸርነትህ አሃሃ
ትላንት ያረከው ሳይበቃህ
ዛሬም ደገምከኝ አብዝተህ (፪x)
በክብር ላይ ሌላ ክብር በክብር ላይ አሃ
ቆርጫለሁ ለመጨመር ከዚያም በላይ
አንደበቴን በምስጋና እየከፈትኩ ኦሆ
ለድል ጌታ የድል ዜማን አመጣለሁ
እየዋለ እያደር ታምራትህ በዛ
የነገስታት ንጉስ የጌቶቹ ጌታ (፪x)
ምን እንልሃለን ማዳንህን እያየን
በምስጋና በላይ ምስጋናን እንሰዋለን
ምን እንልሃለን ምሕረትህን እያየን
በክብርም በላይ ክብርን እንሰጣለን
ተራሮችንም ትክክል አደረክና እግዚአብሔር አሃ
የነሃሱን ደጆች ሰባብረህ እኔን ለክብር አበቃህ (፪x)
በክብር ላይ ሌላ ክብር በክብር ላይ አሃ
ቆርጫለሁ ለመጨመር ከዚያም በላይ
አንደበቴን በምስጋና እየከፈትኩ ኦሆ
ለድል ጌታ የድል ዜማን አመጣለሁ
አምላኬ መታመኛዬ ነው ጌታዬ
ንጉሴ መደገፊያዬ ነው አምባዬ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ