ፍቅርህ
Feqreh
2013 · ትራክ 4 · 6:59 · አማርኛ
አዝማች · Chorus
ፍቅርህ ከሞት ይልቅ ብርቱ ነው
ሕይወቴን እንደ መልሕቅ ያጸናው
መልካሙን ተስፋ ያስያዘው
በልቤ የሞላው እርሱ ነው (፪x)
ቁጥር 1 · Verse 1
ሳልወድህ ገና አንተ ወደድከኝ
የሚረባኝን አንተ አስተማርከኝ
ሳላውቅህ ገና አንተ አወቅከኝ
ከአዳኝ ወጥመድ ነጥቀህ አስጣልከኝ
እንዲህ ላረከው ምን አስቀራለሁ
በምላሽ ይኸው እዘምራለሁ (፫x)
አዝማች · Chorus
ፍቅርህ ከሞት ይልቅ ብርቱ ነው
ሕይወቴን እንደ መልሕቅ ያጸናው
መልካሙን ተስፋ ያስያዘው
በልቤ የሞላው እርሱ ነው (፪x)
ቁጥር 2 · Verse 2
በልቤ ፈሶ የአንተ ፍቅር
ጠራርጐ ያወጣል የክፋትን ዘር
ግንዱ ኢየሱስ ነው የኔ መሰረት
የሕይወት ራስ የተፈጠርኩበት
ሁሉ ከርሱ ነው የሆነው ሕይወት
ትምክት የለኝም የምመካበት (፫x)
ፍቅርህ ገዢ ነው አያውቅም ክፋት
ፍጥረትን ማርኮ ያንበረከከ
ሕልውናህ ነው የአንተ ባህሪህ
ፀንቶ ሚቀጥል ከሁሉ ሚበልጥ
ሕግን ፈጽሞ የጠቀለለው
ፍቅርህ እኮ ነው በደል የማይቆጥረው (፫x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ