ክብር ሁሉ

ቁጥር 1 · Verse 1

እንኳን ልመካ እንዲህ ነኝ ብዬ

እኔ እኔ ልል ቃል አስረዝሜ

'እ'ን አስጀምሮ 'ኔ'ን የሚያስጨርሰኝ

ከራሴ ምለው አንዳችም የለኝ

አሁን የሆንኩትን መሆን የመቻሌ

ጌታ በአንተ እኮነው አይደለም በእኔ

ቁጥር 2 · Verse 2

እኔ ለማለት "ፓ!" እንዲሉልኝ ሰዎች ብጠራ

ማንም አይገኝ በአሸዋ ላይ ቤቴን ስሠራ

እርሱ ነው ስል ግን ተሰብሰቡና "አዎ" በሉልኝ

ቁጥር 3 · Verse 3

ይህን ላረገው ታማኙ ጌታ (ክብር አምጡልኝ) x ፰

ቁጥር 4 · Verse 4

ስሙኝ ወገኖች ይህን ስናገር በሕይወቴ ላይ ለሆነው ነገር

እንኳን ልታበይ እኔን ላበዛ ትንፋሽ መንገዱን ከፍሎ እንደገዛ

ከቶ አልመካም እንዲያው በከንቱ ከእኔ ሳይሆን ሁሉ ነው በእርሱ

'እ' የሚለውን ፊደል ጀምሬ 'ኔ'ን ለመጨረስ ኃይል የለኝ እኔ

እያልኩኝ ነው በአንተ ነው ጌታ

ሁሉን አድርገህ የምታስመካኝ ሆንከኝ አለኝታ

ቁጥር 5 · Verse 5

ኧረ ምንድነው ከእኔ ነው የምለው

ኃይሌ ብርታቴ እጄ ያረገው

ማበዛላቸው ብዙ እኔዎች

ሆኑ ምላቸው በእኔ ክንዶች

ምንም የለኝም የሚያስብለኝ እኔ

ክብር ሚገባው ለአንተ ጌታዬ

ቁጥር 6 · Verse 6

እንኳን ልመካ እንዲህ ነኝ ብዬ

እኔ እኔ ልል ቃል አስረዝሜ

'እ'ን አስጀምሮ 'ኔ'ን ሚያስጨርሰኝ

ከራሴ ምለው አንዳችም የለም

ቁጥር 7 · Verse 7

ክብር ሁሉ ለአንተይሁን # ፬