ተው በለው እንጂ

ቁጥር 1 · Verse 1

ዘሪ ዘሩን ሊዘራ ወጣ ማልዶ

ክፉ ነገር ዘርቶ የወደደውን አደርጎ ሄደ

መልካምና ክፉ ዘር ነበር በእጁ

ጊዜው ደረሰና ዝቅ ብሎ አጨደው አይ መከራ

ምን ይለዋል መልካሙን ቢዘራ

ክፉውን ዘርቶ መጣበት መከራ

አዬ ጉዱ ባያስተውል እርሱ

ጊዜው ደርሶ መጣበት መዘዙ

(የዘራውን አገኘ) ዘርቶ ማጨዱ ግድ ነበረ

(የዘራውን አገኘ) ከዘራው ቦታ መብቀል ጀመረ

(የዘራውን አገኘ) አቤቱ ማረኝ ሲል ተናዘዘ

(የዘራውን አገኘ) ሰማይ ይቅር ቢል ምድር ቂም ያዘ

ስዘራው የሚቀለኝ ሳጭደው የሚከብደኝ

አለማስተዋሌ ጉድ እንዳያረገኝ

ቁጥር 2 · Verse 2

እኔም ፈራሁኝ አይ ጉዴ (፪x)

ቁጥር 3 · Verse 3

ክፉ ዘርቶ ማጨዱ ከበደው

ሀዘኑም በረታ አሳመመው

ሲዘራ መች እንደዚህ መሰለው

መከራ አስተማረው

(አስተዋይ ተማረ ፥ አስተዋይ)

አሁን እኔም ለራሴ ፈራሁኝ

የምዘራው መልሶ እንዳያንቀኝ

የማደርገውን ሁሉ እንዳስተውል አስተዋይ አርገኝ

(አስተዋይ ተማረ ፥ አስተዋይ)

ቁጥር 4 · Verse 4

ክፉ ዘርን ሳያስተውል ጥሎ

ተቀመጠ አገር ሰላም ብሎ

ሲቃይ ያዘው ቀን ጠበቀውና

ዘርቶ ማጨድ ተወስኗልና

(የዘራውን አገኘ) ዘርቶ ማጨዱ ግድ ነበረ

(የዘራውን አገኘ) ከዘራው ቦታ መብቀል ጀመረ

(የዘራውን አገኘ) አቤቱ ማረኝ ሲል ተናዘዘ

(የዘራውን አገኘ) ሰማይ ይቅር ቢል ምድር ቂም ያዘ

ስዘራው የሚቀለኝ ሳጭደው የሚከብደኝ

አለማስተዋሌ ጉድ እንዳያረገኝ

እኔም ፈራሁኝ አይ ጉዴ (፪x)

ቁጥር 5 · Verse 5

“በስውር የሚሰራ በግልጽ እንዲከፈለው

ዘርቶ እንደሚታጨድ ማነው የሚያስተውለው

የምን ጉድ መጣብኝ ብለህ እንዳትፈራ

የትላንት ስህተትህ መከራን ሲያፈራ

ጌታማ ምሮኛል ስጋ መች ሊለቀኝ

የዘራሁትን ሁሉ ማጨድ አይቀርልኝ

ሥጋ በሥጋ ሳይቀጣ አይቀርም እንደሚል በቃሉ

ዛሬ ሚዘራው ነገ ይበቅላልና ምከሩ ተው በሉ

በል እንግዲህ አይዞህ አሁንም ጊዜ አለህ

የኋላህን ትተህ የፊትህን እያየህ

መልካም መልካሙን ብቻ ዝራ

ሕይወት እንዳይሆንብህ መከራ”

ቁጥር 6 · Verse 6

ክፉ ዘርቶ ማጨዱ ከበደው

ሀዘኑም በረታ አሳመመው

ሲዘራ መች እንደዚህ መሰለው

መከራ አስተማረው

(አስተዋይ ተማረ ፥ አስተዋይ)

አሁን እኔም ለራሴ ፈራሁኝ

የምዘራው መልሶ እንዳያንቀኝ

የማደርገውን ሁሉ እንዳስተውል አስተዋይ አርገኝ

(አስተዋይ ተማረ ፥ አስተዋይ)