ወደ ተራራው ጫፍ
Wede Teraraw Chaf
2024 · ትራክ 9 · አማርኛ
ቁጥር 1 · Verse 1
ከህልውናህ ሰፈር ከምትገኝበት
ንግግር ፀሎቴ አንተው ከሆንክበት
ጠንቀቅ ካላልኩኝ ካልጠበቅሁ እግሮቼን
እልፍ የሚለይ ጉዳይ ከቦኛል ዙሪያዬን
በገለባ ናፍቆት በጠፊ ፍለጋ
አይለፍብኝ ቀኔ አርቆኝ ካንተ ጋር
ወደተራራው ጫፍ ሳበኝ ወደራስህ
አዝማች · Chorus
ነፍሴም ድና እንድትቀር አቅልጣት በክብርህ (፪x)
ቁጥር 2 · Verse 2
መባዘን አይደለም መዋል ካንተ ጋራ
ስለ ላዩ ምክርህ ነፍሴን ስታዋራ
ሰብሰብ ብሏል ቀኔ አልተዝረከረከም
የማይወሰድ እድል ከዚህ በላይ የለም
አንተን ብቻ ይሁን የማይበት ዓይኔ
ልቤም ሄዶ ይቅር ከላዩ ሰፈሬ
ጆሮዬም ይቀስር ከላይኛው ሃገር
አጥፋኝ ከምድሩ ፍለጋዬ ይሰወር
አንገቴን አስግጌ በመናፈቅ ህይወት
ለአፍታ ጎንበስ ሳልል አንዳች ከሌለበት
እጅ ሰጥቶ ላንተ ውስጥና ውጪዬ
አዝማች · Chorus
ስንቄ ሆኖ ፍቅርህ ይጠቅለል እድሜዬ (፪x)
ቁጥር 3 · Verse 3
ጥሜ ረሃቤ ናፍቆቴ መሻቴ
ጉጉቴ ፍላጎቴ ሩጫዬ መገስገሴ
አዝማች · Chorus
አንተን ለማግኘት ነው (፪x)
ቁጥር 4 · Verse 4
በቃ ፈልግሃለሁ በቃ ተርቤሃለሁ
በቃ በጣም ጠምተኸኛል በቃ አይኖቼ ናፍቀውሃል
በቃ ናፍቄሃለሁ በቃ ደጅ ደጅ አያለሁ
በቃ የውስጤ ጥም ነህ
በምንም የማልለውጥህ
አንተን የተራበ ሚጠግበው አንተን ነው
አንተን የተጠማ ሚረካው አንተን ነው
ፊትህን የፈለገ ሲያገኝህ ያርፋል
ፈልጎ ክብርህን መቼ በጅህ ይረካል
አዝማች · Chorus
አይደለሁም ሰነፍ ተመከርኩ በቃልህ
የውስጤን እረሃብ አይደፍነውም የእጅህ
ነፍሴን የምታረካ ሙላት ነህ የልቤ
የኑሮዬ ፍሰሃ የዕድሜ ልክ ሃሳቤ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ