ሳሙኤልን እንካ

ቁጥር 1 · Verse 1

1.በፊትህ እስክጥለው የኔ ነበረ በትሩ

ፈቃዴን ማድረጊያ ያልታየኝ አቅሙ

ከምርኩዝ የማያልፍ የማይዘልቅ ከማገጃ

በእጄ የከረመ ድጋፍ መወጣጫ

ያን እለት ገብቶኛል ትኩረቴን ስትስበው

በሚነድ ቁጥቋጦ እግሬን ስታፈጥነው

የሰጠኝን መልሼ ብጥል ከእግሮችህ ስር

እንደ ምትሰራበት ባንተ እጅ

ቁጥር 2 · Verse 2

እንዲያምር አውቂያለሁኝ [ 2× ]

እንካ ጊዜዬን ተጠቀምበት

በልብህ እንዳለው አከናውንበት

እንካ ያለኝን ወርቅ እና ብር

እኔ ጋር ሆኖ ጓዳ እንዳይቀር [ 2× ]

ቁጥር 3 · Verse 3

2.ሁለት አሳና አምስት እንጀራ

ከኔ አያልፍም በሰው ሲሰላ

ለራሴ ነበር ሰንቄ የያዝኩት

ረሀቡ ሲጠና ብጎርሰው ያልኩት

የአንተ ግምት ከእኔ ካለፈ

ብዙ ልታጠግብ ከእጄ ወስደህ

እንቢ አልልም ስስት ለቆኛል

ከእኔ ቢወጣ እልፍን ይሸኛል [ 2× ]

ቁጥር 4 · Verse 4

አስደምሞኛል ተደንቂያለሁ

ጥቂት ነበረ በእጄ ላይ ሳየው

ይለፍ ካንቺ ካልክ አገር ሊያበላ

ይውጣልኝ ከእጄ ይሁን ለሌላ [ 2× ]

ይለፍ ካንተ ካልክ አገር ሊያበላ

ይውጣልኝ ከእጄ ይሁን ለሌላ [ 2× ]

ቁጥር 5 · Verse 5

3.ምን ክፋት አለው ቢያገለግለኝ

አገር ሁሉ ያውቃል እንደሰጠኸኝ

እንደተቀበልኩት በለቅሶ በእንባ

በስለት ክምር ቤቴ እንደገባ

ከሚሆን የራሴ እኔው ጋር ቀርቶ

መልሼ ልስጥህ ልይ ሌላውን በቅቶ

ስስት ሳይዘኝ እንዴ ሳልልህ

ይኸው አኖርኩት ከእግሮችህ ስር [ 2× ]

ቁጥር 6 · Verse 6

ሽታውን ሳልጠግበው የልጅነቱን

ነግቶልኝ ሳላይ ጨዋታ ሳቁን

ጥቂት ቆይቶ ሳያባብለኝ

እንካ በማለዳ ተቀበለኝ [ 2× ]