ከሙሴ የሚልቅ
Ke Muse Yemiliqe
2024 · ትራክ 10 · አማርኛ
ቁጥር 1 · Verse 1
በአመፅ ተፀንሶ ኃጢአት ሆና እናቱ ሞት ለሆነ አለሙ
ሲኦል መደምደሚያው እንዲሆን ለታጨ ታይቶህ መባዘኑ
ሩቅ ለነበረ ህዝብ ወደ ግዛትህ መጥሪያ አቁመህ ምልክት
ከምድር ዳርቻ ጠራህ በፉጨትህ ያላወቀህን ትውልድ
እየተጣደፍን በፍጥነት መጥተናል
ድካም ድንዛዜን ፍርሃት ጨለማን ከኛ ላይ ሰብረሃል
የተናቅነውን ምርጥ የተጣልነውን ቅዱስ ልትለን ያላፈርህ
የጸጋ ሁሉ አምላክ የሆንህ እግዚአብሄር ክቡር ስምህ ይባረክ
ምህረት ለወደደ ለሮጠም አይደለ
መማርን በምታውቅ በአንተ ለኛ ሆነ
ለፍቅርህ ማሳያ ህዝብ ብለህ መረጥከን
ለጥፋት ለሆንን የቁጣ እቃዎች ትዕግስትህ ቻለን
የህግ መሰጠት የመቅደስ ስርዓት
ኪዳን ላልነበረን ውብ የተስፋ ቃላት
የጥሉ ግድግዳ ከማዶ ላረገን
ዕውር ለስርአትህ አህዛብ ለተባልን
ላክልን ለነፍሳችን መልህቅ
አዝማች · Chorus
ሊቀ ካህን ከሙሴ የሚልቅ
ላክልን ለነፍሳችን መልህቅ
ሊቀ ካህን ከአሮን የሚልቅ
የህልውናህን ስፍራ እንዳያይ አይናችን
ሆኖን መጋረጃ ከልሎ ሃጥያታችን
ይዞን እንዲገባ ከማዶ እንዳንቀር
ስለ እኛ ቀደመ ገባ በመካከል
ተልኮልን ለነፍሳችን መልህቅ
ሊቀ ካህን ከአሮን የሚልቅ
ላክልን ለነፍሳችን መልህቅ
ሊቀ ካህን ከሙሴ የሚልቅ
ቁጥር 2 · Verse 2
የእንቅፋት ድንጋይ ማሰናከያ አለት
አኑሮ በጽዮን አምነው እንዲድኑበት
በስብከት ሞኝነት የሚያምኑትን ሊያድን
ቅን ፈቃዱ ሆና ጥንት ተወስኖልን
አዝማች · Chorus
ተልኮልን ለነፍሳችን መልህቅ
ሊቀ ካህን ከሙሴ የሚልቅ
ላክልን ለነፍሳችን መልህቅ
ሊቀ ካህን ከአሮን የሚልቅ
ተልኮልን ለነፍሳችን መልህቅ
ሊቀ ካህን ከአሮን የሚልቅ
ላክልን ለነፍሳችን መልህቅ
ሊቀ ካህን ከሙሴ የሚልቅ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ