ይሄ ነው
Yehie New
2003 · ትራክ 4 · አማርኛ
ቁጥር 1 · Verse 1
እጅጉን ሲራራ በብዙ ሲምር
ከቶ ያበቃለትን የሞት ፍርድ ሲሽር
ሲስብ ወደራሱ ለክብር መንግስቱ
እኔ እርሱን የማውቀው በሰፊ ትዕግስቱ
መክሮ ሲመልስ ለክብር ሲያበቃ
ውጦ ከሚያስቀር ከረግረጉ ጭቃ
ታሪክ ቀይሮ ሥምንም ሲለውጥ
ነጥቆም ሲታደግ ካንሸራታቹ ድጥ (፪x)
አዝማች · Chorus
ይሄ ነው የኔ ጌታ
ይሄ ነው አምላኬ የምለው
ይሄ ነው ደግ ቸር ያልኩት
እግዚአብሔር : እኔ የወደድኩት (፪x)
ቁጥር 2 · Verse 2
የተራበው ሲጠግብ ሲረካ ጠጥቶ
ሲድን ከጠላቱ ወደ አምላኬ ሸሽቶ
በኖርኩበት ዘመን ይሄንን አውቃለሁ
መልካም ቸር እረኛ እንደ እግዚአብሔር ማነው
ከጥላው በታች ማረፍ የወደደ
በዓለም በረሃ ከስሎ የነደደ
ሸክሙ ሲራገፍ እፎይ ሲል ሲቀለው
በርሱም ሲታሰብ ባይኔ አይቻለሁ (፪x)
አዝማች · Chorus
ይሄ ነው የኔ ጌታ
ይሄ ነው አምላኬ የምለው
ይሄ ነው ደግ ቸር ያልኩት
እግዚአብሔር : እኔ የወደድኩት (፪x)
ቁጥር 3 · Verse 3
ክፉኛ ተወግቶ ልቡ ለቆሰለ
በኃዘን ተከቦ አበቃልኝ ላለ
ወዳጅ ይሆነዋል ጌታ ተጠግቶ
ቁስሉን ያክመዋል በዘይት ቀብቶ
ቀና ሲያደርገው አንገቱን ላይደፋ
የሚጤሰውን ጧፉን ሳያጠፋ
አትሞትም በሕይወት ትኖራለህ ሲለው
የአምላኬን ፍቅር እኔ አውቀዋለሁ (፪x)
አዝማች · Chorus
ይሄ ነው የኔ ጌታ
ይሄ ነው አምላኬ የምለው
ይሄ ነው ደግ ቸር ያልኩት
እግዚአብሔር : እኔ የወደድኩት (፪x)
ቁጥር 4 · Verse 4
አለኝ ሊቀ-ካህን በላይ በሰማይ
አዝኖ የሚራራ ድካሜን የሚያይ
ለበደሌ ስርየት ለሐጥያቴ ይቅርታ
ሰጠኝ በምህረቱ ይሄ መልካም ጌታ
አባባ የሚል የልጅነት መንፈስ
ውስጤ አፈሰሰ ቸሩ ጌታ ኢየሱስ
መንፈሱን ታጥቅኩኝ ድኛለሁኝ በቃ
ሞትና እርግማን ከእንግዲህ አበቃ
አዝማች · Chorus
ይሄ ነው የኔ ጌታ
ይሄ ነው አምላኬ የምለው
ይሄ ነው ደግ ቸር ያልኩት
እግዚአብሔር : እኔ የወደድኩት (፬x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ